1 Jon 2:9 - Pijin Bible

⁹ Eniwan hu hemi talem dat hemi falom wei blong tru laet, bat hemi heitem narafala Kristin, hemi barava stap yet long tudak.

Pijin Deuterocanon

⁹ Eniwan hu hemi talem dat hemi falom wei blong tru laet, bat hemi heitem narafala Kristin, hemi barava stap yet long tudak.

1 Jon 2:9 Iomraidhean Croise

2 Samuel 13:22

Bat Absalom hemi heitem Amnon, an hemi no toktok long hem, bikos hemi bin spoelem sista blong hem.

Sams 82:5

!Yufala krangge tumas! !Yufala nating save enisamting! Wei blong yufala hemi nogud tumas nao. Distaem, evrisamting wea yufala duim long wol hemi nating stret.

Levitikas 19:17

“Yufala mas no gohed fo barava heitem wantok blong yufala, bat taem yufala lukim wantok ya hemi duim wanem hemi rong, yufala mas go talemaot disfala rong long hem. Long disfala wei bae yufala no mekem sin from datfala man.

Gudnius abaotem Jisas Kraes wea Jon hemi raetem 9:41

Nao Jisas hemi tok olsem, “Sapos yufala blaen tru, yufala no rong ya. Bat bikos yufala sei yufala save lukluk, diswan hemi somaot dat yufala rong yet ya.”

Aposol 1:15

Bihaen samfala de i gopas finis, kolsap 120 long olketa hu i biliv, olketa hipap tugeta. Nao Pita hemi stanap an hemi tok olsem,

2 Pita 1:9

Bat eniwan hu hemi no garem olketa wei olsem long laef blong hem, hemi olsem man wea ae blong hem hemi blaen. Hemi fogetem finis wea God nao hemi bin wasimaot olketa sin blong hem.

1 Jon 1:6

So sapos yumi talem dat yumi stapgud wetem God, bat yumi gohed nomoa fo sin olsem man blong tudak, yumi laea nao ya an yumi nating falom nomoa tru toktok blong God.

1 Jon 2:11

Bat eniwan hu hemi heitem narafala Kristin, hemi no stap long laet. Hemi wakabaot long tudak an hemi no save wea nao hemi go long hem, bikos tudak hemi mekem hem blaen nao.

1 Jon 2:4

Sapos eniwan hemi sei hemi savegud long God, bat hemi nating obeim olketa lo blong hem, disfala man hemi laea nao. No eni tru toktok hemi stap long man olsem.

1 Jon 3:10

So wei blong man nao bae hemi somaot sapos hemi pikinini blong God o hemi pikinini blong Seitan. Bikos eniwan hu hemi no duim wanem hemi stret an hemi no lavem narafala Kristin, hemi no pikinini blong God nao.

1 Jon 4:20

Sapos eniwan hemi sei hemi lavem God, bat hemi heitem nara Kristin, man ya hemi laea. ?Sapos hemi no lavem nara Kristin wea hemi save lukim, hao nao hemi save lavem God hu hemi no save lukim?