1 Jon 1:5 - Pijin Bible

⁵ Disfala toktok wea mifala bin herem long San Blong God an wea mifala talemaot long yufala, hemi olsem, “God nao hemi laet, an no eni tudak hemi save stap long hem.”

Pijin Deuterocanon

⁵ Disfala toktok wea mifala bin herem long San Blong God an wea mifala talemaot long yufala, hemi olsem, “God nao hemi laet, an no eni tudak hemi save stap long hem.”

1 Jon 1:5 Iomraidhean Croise

Sams 139:12

bae hemi nating deferen nomoa long yu. Bikos tudak ya hemi nating dak nomoa long yu, an naet hemi saen nomoa olsem delaet long yu. Ya, tudak an delaet hemi semsem nomoa long yu.

Sams 27:1

Yawe nao hemi laet blong mi, an hemi gohed fo sevem mi. Bae mi no save fraetem eniwan. Yawe nao hemi barava strong fo sevem mi from evri trabol, dastawe nao mi no save fraet moa long eniwan.

Sams 36:9

Yu nao yu mekem evri laef samting, an laet blong yu ya nao, hemi mekem mifala laef.

Sams 84:11

Lod Yawe, yu nao yu God, an yu nao yu gadem mifala an mekem mifala fo stap sef long yu. Ya, yu nao yu kaen long mifala, an yu givim biknem long mifala. Lod Yawe, oltaem yu givim nomoa olketa gudfala samting long olketa hu i duim wanem hemi stret.

Aesaea 2:5

Nao yufala long laen blong Jekob, yufala kam mekem yumi falom laet wea Yawe hemi somaot long yumi.

Aesaea 60:19

Bae san hemi no laet moa fo yufala long de, an mun bae hemi no laet moa fo yufala long naet. Bat mi Yawe nao, bae mi laet blong yufala fo evritaem olowe nao. Ya, laet long saen blong bikfala paoa blong mi hu mi God blong yufala, bae hemi saen kam long yufala olowe.

Daniel 2:22

God nao hemi save somaot olketa samting wea hemi staphaed, an olketa samting wea hemi had fo faendemaot mining blong olketa. Hemi save long evrisamting wea hemi staphaed long tudak, an oltaem nomoa laet hemi stap raonem hem.

Gudnius abaotem Jisas Kraes wea Jon hemi raetem 1:19

Wanfala taem, olketa bikman blong olketa Jiu long Jerusalem, olketa sendem go samfala prist wetem samfala Livaet fo askem Jon olsem, “?Waswe, yu hu ya?”

Gudnius abaotem Jisas Kraes wea Jon hemi raetem 1:4

Tru laef hemi stat kam long hem. An disfala tru laef ya hemi olsem laet wea hemi saen go long olketa pipol.

Gudnius abaotem Jisas Kraes wea Jon hemi raetem 1:9

Disfala laet hemi barava tru laet wea hemi kam long disfala wol an saen long evriwan.

Gudnius abaotem Jisas Kraes wea Jon hemi raetem 8:12

Jisas hemi toktok olsem moa long olketa pipol, “Mi nao mi laet fo pipol long disfala wol ya. Man hu hemi falom mi, bae hemi no save wakabaot long tudak ya, bat bae hemi garem laet wea hemi save givim laef ya.”

Gudnius abaotem Jisas Kraes wea Jon hemi raetem 9:5

Taem mi stap yet long disfala wol, mi nao mi laet fo pipol long disfala wol.”

1 Korin 11:23

Disfala tising wea Masta hemi talem mi, hem nao mi talemaot long yufala finis. An disfala tising hemi olsem. Long disfala naet wea Jiudas hemi givim go Jisas long han blong olketa enemi, Masta blong yumi hemi holem wanfala bred,

1 Timoti 6:16

Hem seleva nomoa hemi no save dae. Hemi stap insaet long bikfala laet wea hemi mekem no eniwan save kasem hem. No eniwan hemi lukim God yet, an no eniwan hemi save lukim hem tu. Letem pipol mekhae long hem, an letem hem rul olsem king long bikfala paoa blong hem olowe, go-go hemi no save finis. Amen.

Jemes 1:17

Evrisamting wea hemi gud tumas hemi save kamdaon from heven. God nao hemi givim kam olketa gudfala samting, an hemi no save sensim wei blong hem. Olketa samting long skae wea God hemi bin mekem fo saen kam, olketa save sens olowe, bat wei blong God, hemi no save sens.

1 Jon 3:11

Toktok wea yufala bin herem kam fastaem, hemi sei yumi mas lavem yumi evriwan.

Revelesin 21:23

An olketa no nidim san an mun fo saen kam long biktaon ya, bikos bikfala paoa blong God hemi saen kam long hem. An Smolfala Sipsip ya tu hemi laet blong biktaon ya.

Revelesin 22:5

Long ples ya, bae no eni naet long hem, an bae olketa no nidim laet blong lam o laet blong san, bikos God Masta nao bae hemi laet blong olketa. An bae olketa rul olsem king evritaem an olowe.