1 Jon 1:1 - Pijin Bible

¹ Mifala raet abaotem disfala Toktok Blong Laef, hu hemi stap olowe stat kam bifoa. Mifala bin herem hem, an mifala barava lukim hem long ae blong mifala. Ya, mifala bin lukim hem an tasim bodi blong hem.

Pijin Deuterocanon

¹ Mifala raet abaotem disfala Toktok Blong Laef, hu hemi stap olowe stat kam bifoa. Mifala bin herem hem, an mifala barava lukim hem long ae blong mifala. Ya, mifala bin lukim hem an tasim bodi blong hem.

1 Jon 1:1 Iomraidhean Croise

Aesaea 41:4

?Hu nao hemi mekem olketa samting ya fo hapen? ?Hu nao hemi planem olketa samting long taem bifoa wol ya hemi stat? Mi Yawe nao mi stap kam fastaem long stat blong evrisamting, an bae mi stap yet taem evrisamting hemi finis. !Mi nao ya!

Maeka 5:2

Yawe hemi tok olsem, “Yufala blong vilij ya long Betlehem, long provins long Efrata long Jiuda. Vilij blong yufala hemi wanfala smolfala vilij nomoa long olketa taon wea i stap raonem yufala. Bat nomata olsem, bae mi mekem wanfala man long traeb blong yufala, fo rul ovarem Israel. Laen blong man ya, hemi wanfala impoten laen wea hemi barava stat kam longtaem bifoa.”

Gudnius abaotem Jisas Kraes wea Luk hemi raetem 1:2

Olketa raetem olketa samting wea mifala bin herem long olketa pipol hu i barava lukim olketa samting ya an hu i stat fo talemaot disfala Gudnius ya tu.

Gudnius abaotem Jisas Kraes wea Luk hemi raetem 24:39

Yufala luk kam long tufala han blong mi an long tufala lek blong mi ya. !Mi nomoa ya! Yufala holem bodi blong mi fastaem, mekem yufala savegud. Wanfala devol hemi no save garem bon wetem mit ya, olsem yufala lukim mi garem.”

Gudnius abaotem Jisas Kraes wea Jon hemi raetem 19:35

Man hu hemi lukim diswan nao hemi stori abaotem ya, mekem yufala evriwan tu save biliv. Wanem hemi talem hemi tru, an hemi save dat wanem hemi talem hemi barava hapen ya.

Gudnius abaotem Jisas Kraes wea Jon hemi raetem 20:27

Bihaen ya, hemi sei long Tomas nao, “Yu putum fingga blong yu long hia an yu lukim tufala han blong mi. Yu kam an putum han blong yu insaet long saet blong mi. !Yu mas lusim tufala tingting blong yu, an yu mas biliv!”

Gudnius abaotem Jisas Kraes wea Jon hemi raetem 5:26

Dadi ya nao, tru laef hemi stat kam long hem, an long sem wei ya hemi mekem tru laef fo stat kam long San blong hem tu.

Gudnius abaotem Jisas Kraes wea Jon hemi raetem 8:58

Bat Jisas hemi tok olsem, “Mi talem yufala tru samting nao, taem Ebraham hemi no bon yet, Mi nao Mi Stap Olowe.”

Aposol 1:3

Bihaen Jisas hemi safa an dae finis, plande taem insaet long fotifala de ya, hemi somaot hem seleva long olketa aposol moa. An long plande deferen wei hemi mekem klia long olketa wea hemi barava laefbaek moa from dae, an hemi talem olketa abaotem kingdom blong God.

Aposol 4:20

Bat mitufala ya, mitufala no save stop fo tokabaotem wanem mitufala seleva bin lukim an herem.”

Hibrus 2:3

Bat disfala wei wea God hemi laek fo sevem yumi long hem long distaem ya, hemi bikfala samting tumas moa. ?Waswe, sapos yumi no laek fo lisin long disfala nius ya, hao nao bae yumi save ranawe from panis ya? Masta nao hemi talemaot disfala nius ya fastaem. An olketa pipol hu i lisin long hem, olketa talemaot long yumi dat disfala toktok ya hemi tru tumas.

1 Jon 4:14

Mifala lukim finis San Blong God an mifala talemaot long evriwan dat Dadi God hemi sendem hem kam fo sevem pipol long disfala wol.

1 Jon 5:7

So trifala samting nao olketa somaot klia Jisas long yumi.

Revelesin 1:11

Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”

Revelesin 1:8

God Masta blong yumi hu hemi garem evri paoa an hu hemi stap olowe bifoa, an hu hemi stap distaem, an hu bae hemi kam, hem nao hemi talem olsem, “Mi nao mi faswan bifoa evrisamting, an bae mi laswan tu bihaen evrisamting ya.”

Revelesin 19:13

An kaleko wea hemi werem, hemi tuwet long blad. Olketa kolem nem blong hem: “Toktok Blong God.”

Revelesin 2:8

Disfala man hemi tok olsem moa, “An yu mas raet go long enjel blong sios long Smana, an yu mas sei olsem, ‘Hem nao toktok blong mi wea mi nao faswan bifoa evrisamting, an mi laswan tu bihaen evrisamting. Long bifoa, mi dae finis, bat distaem, mi laefbaek moa.