Zefanja 3:1 - O Debleskro Drom 2021 (Sinte)

¹ Djungeles djal ko foreske, kai hadas pes pral o baro Debleste, ko foreske, an koleste tchilatchepen un marepen hi!

O Debleskro Lab 2024 (Sinte-Manouche)

¹ Djungeles djal ko foreske, kay hadas pes pral o baro Debleste, ko foreske, an koleste čilačepen oun marepen hi!

Zefanja 3:1 Iomraidhean Croise

Jesaja 30:12

Doleske penell o Israeleskro Dewel, kai kokres o tchatcho Dewel hi: Tumer kamenn tchi kolestar te djinell, hoi penom. Un rikrenn tumen ap kolende, kai rikrenn i wawaren tele, un kamenn chochepah dureder te well.

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

Jesaja 59:13

Mer phagam maro baro Debleha, djiwam har te prindjrams les gar, un peram lestar tele. Kram i wawaren tiknes maro rakepah, un phukram ap lende. Lam men chochepen glan un rakram chochepen.

Jesaja 59:6

Kowa, hoi tumer win krenn, hi tchitcheske, hi gar budeder moldo har i ripen kerdo dran i netsa, hoi i spinna kras, un koleha nai tchakreh tchi tele. Kowa hoi tumer krenn, hi chochepen. Tumare wastentsa dukenn un marenn tumer.

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Jeremia 5:23

Kal menshe djan pal lengro shero, un kamenn gar te shunell. Jon djan mandar krik un djan pengro drom.

Jeremia 6:6

Kawa penell o baro Dewel, o rai pral o bolepen un i phub: Denn i ruka tele an o foro Jerusalem, un krenn i drom, hoi djal pre ap o foreskri massuri o forestar Jerusalem! An kau foro hi tchi har tchilatchepen dren. Doleske lell lo peskri phagi.

Jeremia 6:7

Jaake har dran i brunna o pani wella, jaake well dran o foro o tchilatchepen. I gole kolendar, kai wenn sorjah tele rikedo un dukedo, shunau. Menshe lenn glan mande dawa un wenn maredo.

Ezekiel 22:29

I menshe an Israel chochenn un randenn wawaren. Jon rikrenn kolen tele, kai tchorwelo hi, un kolen gar doha djipaske hi. Ninna i wi-themarjen, kai mank lende djiwenn, rikrenn le sorjah tele, un denn len gar pengro tchatchepen.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Ezekiel 23:30

Kowa well pral tute doleske, kai lubral trujel kol murshentsa dran wawar themma, un mangal lengre chochene deblen an, un wal doleske pale-tchiddo.

3. Mose 1:16

Leskri meen un kowa, hoi an late hi, witsrell lo win ap i jagakri tchik, hoi pash o chatchepaskri tchiddo hi ap koi rig, kai o kham pre djal.

Amos 3:9

Denn win gole an i shukar khera an o foro Ashdod un an o them Egiptia: Awenn khetne ap i berge trul o foro Samaria, un dikenn, har diwjo un tchilatcho i menshe kote hi, un har jek o wawares sorjah tele rikrell.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Micha 2:2

Kamenn le jekeskro kotar phub, randenn le les, un lenn penge khera wawar menshendar, har jon kamenna. Tchilatchi sorjah djan le ap jekeste, un lenn penge leskro kheer un kowa, hoi les peskro dadestar was.

Zakarie 7:10

Ma krenn tchilatchepen kol romjenge, kolengro rom meras, un kol tchawenge, kolen kek dad buder hi, witar gar kolenge, kai wi-themarja hi un kol tchorwelenge! Ma lenn tumenge glan an tumare djia, te dukrenn tumaro phrales!”

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.