Zefanja 2:5 - O Debleskro Drom 2021 (Sinte)

⁵ Djungeles djal kolenge, kai pash o baro pani djiwenn, kol menshenge, kai kharenna Kretarja! O baro Dewel mukell tumenge te penell: Tu them Kanaan, them, kai djiwenn i Filistarja, me kamau tut te marell. Kek tumendar, kai kote djiwell, atchell djido.

O Debleskro Lab 2024 (Sinte-Manouche)

⁵ Djungeles djal kolenge, kay pash o baro pani djivenn, kol menshenge, kay kharenna Kretarya! O baro Devel moukell t'menge te penell: Tou them Kanaan, them, kay djivenn i Filistarya, me kamau tout te marell. Kek t'mendar, kay kote djivell, ačell djido.

Zefanja 2:5 Iomraidhean Croise

Jesaja 14:29

Tumer menshe an o them Filistia, ma awenn bachtelo, te was o kasht, koleha dino wan, kanna phagedo. Te merell i sap, well i djungleder sap pal leste. Un lestar well i wawar sap, hoi hi gomme djungleder un nai hadell pes har i tchirklo.

Jesaja 14:30

I tchorwelen mire menshendar hi doha te chal. Un kolen, kai tchi hi, nai tchiwenn pen tele kek darjah. Tumen, Filistarja, mukau i bokatar te merell. Un hoi tumendar pral atchell, dau mulo.

Jeremia 47:7

Har nai mukell o charo tele? O baro Dewel hi kowa, kai penas leske, te well lo pral o foro Ashkelon, un kai bitchras les pash kolende, kai djiwenn pash o baro pani.

Ezekiel 25:16

Doleske penau me, o baro Dewel, tumaro rai: Me hadau miro wast, te dap i Filistarjen i phagi. I tsele menshen, kai an lengro them djiwenn, marau me, kol Kretarjen un ninna i wawaren, kai djiwenn pash o baro pani.

Amos 3:1

Shunenn, tumer Israelitarja, hoi o baro Dewel pral tumende rakras, pral o tselo kheer Israel peskre tsele familjentsa, kolen job win anas dran o them Egiptia:

Amos 5:1

Shunenn tumer menshe an Israel, shunenn koi ropaskri gili, hoi giwau pral tumende:

Zefanja 1:11

Rowenn, tumer parepangre, kai djiwenn an o telstuno kotar o forestar! Kol tsele bikepangre, kai kote pengre lowe krenn, hunte merenna.

Zefanja 3:6

O baro Dewel penell: Me krom, te hi tsele natsjone buder gar koi. Lengre forja hi paash. Lengre sorele khera hi tele phagedo, Kek menshe djiwenn buder koi. Ap i dromma djal buder kek mensho. Halauter hi krik.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.

Markus 12:12

Un jon haiwan, te rakras o Jesus lendar, un kaman les te taprell. Un har trashan le i menshendar, tapran le les gar, un djan krik.

Josua 13:2

Kol themma, kai i Filistarja djiwenn, un o tselo them Geshur;

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Čačepangre 3:3

I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.

1. Samuel 30:14

Mer peram dren an o them Negev, kai i Kretarja djiwenn, un an o them Juda, un an o them Negev, kai kolla djiwenn, kai wenn pal o Kaleb. Un o foro Ziklag chatchram pre.”