Zefanja 2:3 - O Debleskro Drom 2021 (Sinte)

³ Tumer wawar, kai kran tumen gar bares un rikrenn o Debleskro tchatchepen, tumenge penau: Rodenn o baro Debles! Krenn, hoi glan leste tchatcho hi! Rikrenn tumen gar baro! Nai well, te rikrell lo peskro wast pral tumende, ap ko diwes, kai leskri choli pral i menshende well.

O Debleskro Lab 2024 (Sinte-Manouche)

³ T'mer vavar, kay kran t'men gar bares oun rikrenn o Debleskro čačepen, t'menge penau: Rodenn o baro Debles! Krenn, hoy glan leste čačo hi! Rikrenn t'men gar baro! Nay vell, te rikrell lo peskro vast pral t'mende, ap ko dives, kay leskri rholi pral i menshende vell.

Zefanja 2:3 Iomraidhean Croise

2. Samuel 12:22

Koi penas job ap lende: “Har ko ternepen djiwas, chom un pijom tchi un rowom. Me penom mange: ‘O baro Dewel nai krell mange peskro dji pre, un mukell ko ternepas te djiwell.’

Debleskri gili 105:4

Putchenn pal o baro Debleste, un pal leskri soor! Awenn glan leste hako tsiro!

Debleskri gili 149:4

O baro Dewel dikell latches ap peskre menshende. Job well kolenge ap i rig, kai tele rikedo hi un hadell len pre.

Debleskri gili 22:26

Tut kamau me te sharell, kote, kai bud khetne wenna. Glan kolende, kai tut an-mangenna, kamau me tuke te dell, hoi sowel dom.

Debleskri gili 31:20

Har baro hi tiro latchepen, miro Dewel, kolenge, kai djiwenn tuha! Hakeneste sikreh tu, har latcho tu kolenge hal, kai rikrenn pen ap tute.

Debleskri gili 45:4

Tchip tiro charo ap tiri rig, tu tchatcho mursh, un sike tiro railepen un soor!

Debleskri gili 57:1

I gili o rajeske pral o gipangre, te giwell har koi gili ‘Ma mare men’. O David tchinas kai gili an ko tsiro, har job glan o Saul ap o naashepen his, un pes an koi grotta khatras.

Debleskri gili 76:9

Tu rakral dran o bolepen i phagi win pral i phub. Un i phub trashas un penas kek lab,

Debleskri gili 91:1

Kowa, kai beshell tel o wast o Deblestar, ko pralstunestar, un atchell pash leste, ko sorelo Debleste,

2. Mose 12:27

Palle penenn lenge: ‘Kau bakro, hoi maram ap ko diwes, hoi kharella Passa, kau bakro maram o baro Debleske. Har das job an o them Egiptia i Egiptarja temerl, djas job gar an i khera, kai i Israelitarja djiwan. Job djas dureder. I menshe an mare khera mukas lo te djiwell.’” Kote witsran pen i Israelitarja tele un mangan o Debles an.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Jesaja 1:17

Dikenn, har te krenn o latchepen, denn jak, te lell hakeno peskro tchatchepen. Awenn ap i rig kolenge, kai tele rikedo wenn. Kol tchawe, kolen kek dai un kek dad hi, kolenge krenn o tchatchepen win. Un kol djuwja, kolenge o rom meras, kolengro koowa lenn an tumaro wast!”

Jesaja 11:4

Na-a, job dell i tchorwelende pengro tchatchepen, un well kolenge ap i rig, kai gar an-dikle hi, te lenn jon pengro tchatchepen. Penell lo i sorelo lab, palle lenn i marepangre pengri phagi. Les hi i soor, te penell ap o tchilatcheste: “Tu hunte meress!”

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Jeremia 39:18

Me kamau te djiwess, un te wess gar o chareha maredo. Tu patsal mange. Doleske krau, te nai nasheh tuke. Tiro djipen atchell tuke. Kowa penell o baro Dewel.

Jeremia 45:5

Un tu kameh tuke baro koowa? Wals feteder te kamess tchi! Me mukau bibacht te well pral i tsele menshende, penell o baro Dewel. Tu atcheh djido, kai tu ninna djah, ninna te atchell tuke tchi har tiro djipen.

Ezekiel 13:5

Jon tchiwan pen gar pre an koi cheb, kai i barra win phagedo wan, un kran kek massuri trul o kheer Israel, te atchans le soreles tardo an o kurepen ap ko diwes, kai o baro Dewel o tchatchepen win krell pral lende.

Hosea 10:12

Djiwenn an o tchatchepen, te well latchepen dran tumaro djipen! Krenn tumaro dji newes pre o baro Debleske, jaake har i hacho i newo kotar phub pre krell o djobeske. Kanna hi o tsiro, te rodenn man, o baro Debles. Palle wau un tchorau o latchepen pral tumende win har i brishin.

Hosea 7:10

I Israelengre pre-phurde djia sikrenn, har bud doosh ap lende hi. Ninna te hi kowa jaake, wenn le gar pale pash mande, lengro baro Debleste, un rodenn man gar.

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

Mateo 5:5

Bachtele hi kolla, kai kek tchingepen krenna. O Dewel dell len i tseli phub.

1. Tessalonikarja 4:1

Mire phrala, mer sikram tumende, har te djiwenn tumaro djipen jaake, te well o Dewel bachtelo pral tumende. Un kowa krenn tumer. Kanna mangah tumen jaake har maro rai, o Jesus, mangals tumendar: Krenn kowa gomme budeder un feteder!

1. Tessalonikarja 4:10

Un tumer krenn o latchepen ap i patslende an o tselo them Macedonia. Mire phrala, mukenn gar tele, te krenn kowa budeder un feteder!

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

1. Petro 3:4

Tumaro shukapen hunte well dran tumaro dji un sikrell pes an o latchepen, kai kek tchingepen dren hi. Sawo shukapen atchella, un hi bud moldo glan o Debleskre jaka.

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.