Zefanja 2:2 - O Debleskro Drom 2021 (Sinte)

² glan ko diwes, kai well kowa, hoi job peske glan las, un tumer krik phurdedo wenn har o djobengri tchik, hoi i ducho krik phurdell; awa, glan ko diwes, kai well koi soreli choli o baro Deblestar pral tumende, un job i phagi pral tumende win rakrell!

O Debleskro Lab 2024 (Sinte-Manouche)

² glan ko dives, kay vell kova, hoy yob peske glan las, oun t'mer krik phourdedo venn har o djobengri čik, hoy i dourho krik phourdell; ava, glan ko dives, kay vell koy zoreli rholi o baro Deblestar pral t'mende, oun yob i phagi pral t'mende vin rakrell!

Zefanja 2:2 Iomraidhean Croise

Hiob 21:18

un phurdas les krik, har phurdell i ducho o phuss krik, un har hidjrell i sorelo phurdepen o tchik krik.

Debleskri gili 1:4

Jaake hi i tchilatchentsa gar. Jon hi har tchik, hoi i ducho krik phurdell.

Debleskri gili 2:12

Tchumrenn o tchawes, te well lo gar chojedo ap tumende, un tumer ap o drom merenna. Leskri choli nai chatchella sik. Bachtele hi kolla lauter, kai khatrenn pen pash leste.

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jeremia 23:20

O baro Debleskri choli mukell gar tele, bis te kras lo, hoi les glan his. I tsiro well, kai haiwenn tumer kowa.

Jeremia 4:4

Rikrenn tumen ap i laba, hoi tumentsa win krom! Un krenn tumare djia mange pre, tumer menshe an Juda un Jerusalem. Te krenn kowa gar, well miri choli pral tumende har jag, un chatchella jaake, te nai krell kek koi jag win.

Ropaskre gilja 4:11

O baro Dewel mukas peskri tseli choli win te well. Leskri tseli choli was pral lende. Un an o foro Zion mukas lo i bari jag te well, te chatchras o foro tele bis ap i telstune barra.

Ezekiel 12:25

Me, o baro Dewel, penau ap tumende! Kowa, hoi me rakrau, well ninna, un well an i tikno tsiro. Tumenge, kai mukenn tumen tchi te penell, penau me: Jaake rah har tumer djiwenn, krau, te well tchatcho, hoi penom. Kawa penau me, o baro Dewel, tumaro rai.

Hosea 13:3

Doleske hi le har i wolka, hoi taissarlakro sik krik djal, un har ko pani, hoi ap o senlepen hi, un sik buder gar koi hi. Awa, har o phuss hi le, hoi well dran i platsa win phurdedo, kai o djob win dino was, un har i jagakro ducho, hoi tserdell dran i wochni win.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Zefanja 3:8

Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.

Mateo 24:35

O bolepen un i phub atchenna gar. Mire laba atchenna hako tsiro.