Sikepaskro 9:9 - O Debleskro Drom 2021 (Sinte)

⁹ Muk les tuke mishto te djal an tiro djipen tiri romjah, kai tu kameh, jaake rah har tut kau djipen hi, hoi tut o Dewel das, un hoi jaake sik trujel hi. Sawi bacht was tuke o Deblestar pash tiri tseli budi, hoi tu hunte kress kate ap kai phub.

O Debleskro Lab 2024 (Sinte-Manouche)

⁹ Mouk les touke mishto te djal an tiro djipen tiri romyah, kay tou kameh, yaake rah har tout kava djipen hi, hoy tout o Devel das, oun hoy yaake sik trouyel hi. Savi barht vas touke o Deblestar pash tiri tseli boudi, hoy tou hounte kress kate ap kay phoub.

Sikepaskro 9:9 Iomraidhean Croise

1. Mose 26:8

Har job i rah tsiro koi his, dikas o Abimelech, ko rai pral kol Filistarja, dran i wochni. Un dikas, har las o Isaak peskri romjat, i Rebekka, an i mussi.

Debleskri gili 144:4

Har i ducho hi lo. Leskro djipen djal trujel har i suni.

Debleskri gili 39:5

Baro Dewel, sike mande, har sik o djipen trujel hi, un kai miro merepen wella, te djinap, te nai atchau gar hako tsiro kai.

Gosewe laba 18:22

Koon i romjat hatsas, hatsas i bacht. O baro Dewel dikas latches ap leste.

Gosewe laba 19:14

I kheer un lowe lell o tchawo peskro dadestar pal koleskro merepen. I romni, kai an peskro dji dikell, glan te rakrell li, well o baro Deblestar.

Sikepaskro 2:10

Halauter hoi mire jaka kaman, kowa dom len. Un miro djijeske dom halauter, hoi mukas les te bashrell. Jaake wom bachtelo pral halauter hoi krom. Un halauter, koleske man tele marom, anas mange tchatchepah bacht an o dji.

Sikepaskro 2:24

Tchi hi feteder o mensheske, har te chal lo un pijell lo un well bachtelo pral kowa, hoi lo krell. I bachtelo dji, kowa dikom, well dran o Debleskro wast.

Sikepaskro 3:13

Jaake nai penah: Mer te chas, pijas un budras i bachtelo djijeha. Kowa lauter well men o Deblestar.

Sikepaskro 3:22

Jaake dikom dren, tchi hi feteder, har te krell i mensho bachteles peskri budi; i bachtelo dji hi leskro brawlepen. Kek nai penell o mensheske, hoi ap i phub djala, te hi lo buder gar koi.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Sikepaskro 6:12

Kek djinella, hoi o mensheske mishto hi an peskro djipen, hoi jaake tikno hi. Kau diwes hi lo koi un o wawar diwes buder gar. Un koon nai penell o mensheske, hoi pal leste wella ap kai phub?

Sikepaskro 7:15

Me dikom bud koowa an miro djipen, hoi haiwom me gar: Koi hi i latcho mursh, kai djiwas i tchatcho djipen, un job merella glan te was lo phuro. Un koi hi i chocheno mursh, ko djiwell an o tchilatchepen, un job djiwell i rah djipen.

Maleachi 2:15

Kek krals sau koowa, te wals i tikno kotar fun miro ducho an leste. Job kamals tchawe te lell, kai o Debleske koi hi. Doleske denn jak an tumare djia, te chochell un mukell kek tumendar peskri romjat!