Sikepaskro 9:3 - O Debleskro Drom 2021 (Sinte)

³ Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

O Debleskro Lab 2024 (Sinte-Manouche)

³ Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Sikepaskro 9:3 Iomraidhean Croise

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Hiob 15:16

Har bud budeder hatsell lo doosh ap o mensheste. O mensho krell djungelo koowa un hi tchi-moldo. O tchilatchepen krell lo, har te pijals lo pani.

Hiob 21:26

Khetne hi le tel i phub, un i kirme tchakrenn len.

Debleskri gili 51:5

Awa, djinau, kai anom doosh ap mande. Un ko tchilatcho koowa, hoi krom, hi man o tselo tsiro glan mire jaka.

Debleskri gili 64:7

Len hi tchilatchepen an o shero, un penenn tchorchanes: “Jaake krah mer kowa. Jaake djal kowa mishto. Har gosewe ham mer!”

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Sikepaskro 1:17

Miri tseli djijeskri sorjah kamom te hatsap win, hoi tchatchepah goswepen hi, un hoi dinelo un narwelo hi. Un kote hatsom win, kai kowa jaake hi, har te nashoms pal o ducho, hoi djal pral i phub.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 2:14

Kowa, kai gosewo hi, dikell, kai lo djal. O dinelo nashell an i rati. Un ninna haiwom, jekeske djal har o wawareske.

Sikepaskro 7:2

O mensheske hi feteder te djal lo an i kheer, kai jek meras un i menshe rowenna, har te djal lo an i kheer, kai krenn le i bijab. Kote, kai jek meras, well diklo, kai hako mensho hunte merella. Un koon gomme djido hi, mukell pes kowa an o dji te djal.

Sikepaskro 7:25

Palle penom mange, tu hunte rodess budeder, te hatsess win, hoske tchomone jaake hi. Jaake lom bud koowa an i jak, te haiwap len. Kamom te djinap, well o tchilatchepen dran o dinlepen un o pre-phurdepen dran narwlepen?

Sikepaskro 8:11

Ko mensho, kai kras tchilatcho koowa, lell gar sik pal kowa peskri phagi. Doleske rikrenn pen i menshe gar pale, te krenn le pengro djungelo koowa dureder.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Sikepaskro 9:2

Halauter hunte merenna. Kowa djal jaake jekeske har ko wawareske, koleske, kai shunell ap o Debleste har koleske, kai kamell tchi o Deblestar te djinell, koleske, kai krell o latchepen un koleske, kai krell o tchilatchepen, koleske, kai hi erligo un koleske, kai hi pale-tchiddo, koleske, kai chatchrell viechen o Debleske har koleske, kai chatchrell kek viechen leske. Jaake har o latcheske djal, jaake djal o tchilatcheske. Un kowa, kai dell pes sowel, koleske djal jaake har koleske, kai kamell pes gar sowel te dell.

Sikepaskro 9:4

Kowa, kai gomme djido hi, dikell ap ko tsiro, hoi wella. I djido djukleske djal feteder har i mulo leweske.

Jeremia 16:12

Tumer kran budeder tchilatchepen har tumare phure. Hakeno tumendar djiwell pal peskro shero un peskro tchilatcho dji. Ap mande shunell kek.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Louka 15:17

Un job penas ap peste: Miro dades hi bud budepangre. Kolen hi bud te chal, un me merau kate i bokatar.

Louka 6:11

Koi wan jon chojedo ap o Jesuseste, un rakran khetne, hoi jon o Jesuseha nai krans.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

Bičepangre 26:11

An i tsele biboldengre kangria mukom me kol patslen dawa te dell i tchupnijah, un kamom, te denn le pengro patsepen pre. Me homs jaake chojedo ap lende, te lom len ninna an forja an wawar themma palla.

Bičepangre 26:24

Har o Paulo kowa rakras, te sikrell lo, kai hi kek doosh ap leste, das o Festo gole: “Paulo, tu hal dinelo! Tu hal jaake gosewo, te wal narwelo.”

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

2. Petro 2:16

Koi rakras leha leskri esla har i mensho. Jaake was leske siklo, har tchilatcho kowa his, hoi kamas lo te krell. Un koi esla rikras les pale, te krell job kek dinelo koowa.