Sikepaskro 9:12 - O Debleskro Drom 2021 (Sinte)

¹² Ninna djinell o mensho peskro tsiro gar, un well tapedo an o tchilatcho tsiro, hoi ap jek kopo pral leste perell, jaake har i matche tapedo wenn an i netsa, un i tchirkle an pandle dorja.

O Debleskro Lab 2024 (Sinte-Manouche)

¹² Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Sikepaskro 9:12 Iomraidhean Croise

Debleskri gili 11:6

Mu dell lo i tchilatchen i phagi: Jag un jagakri khand mukell lo pral lende te perell, un i tato ducho phurdell ap lende.

Gosewe laba 24:22

Sik well i bibacht pral sawende. Nai djineh tu, hawi bibacht o baro Deblestar un o baro rajestar nai well?

Gosewe laba 29:6

I tchilatcho taprell pes an peskro tchilatchepen. Kowa, kai an o tchatchepen tardo hi, djal bachteles peskro drom.

Gosewe laba 6:15

Doleske well leskri bibacht sik pral leste. Sik hi lo dukedes ap i phub tchiddo, un kek sastepen hi leske koi.

Sikepaskro 3:19

O mensheske djal har o viecheske: I vieche merenna, jaake merenn ninna i menshe. Un len halauter hi i ducho. Un o menshes hi tchi glan-wi glan o viecho. Tchatchepah, kowa hi phares te haiwell.

Sikepaskro 8:11

Ko mensho, kai kras tchilatcho koowa, lell gar sik pal kowa peskri phagi. Doleske rikrenn pen i menshe gar pale, te krenn le pengro djungelo koowa dureder.

Sikepaskro 8:8

O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

Sikepaskro 9:13

Ninna dikom ap kai phub, hoi i gosewo kras, un kowa his mange bares:

Jesaja 24:18

Kowa, kai nashell nai peske glan i trashakri gole, perell an i gruba. Un kowa, kai tserdell pes pral dran i gruba, well an i netsa tapedo. O bolepen krell pes pre un dell baro brishin un o telstunepen, hoi i phub hidjrell, trissella.

Jesaja 30:13

Kai doosh hi har i phagepen an i kheer. Ko kheer hi buder gar soreles tardo, un ap jek kopo perell lo khetne. Un kek patsas te well kowa jaake.

Ezekiel 32:3

Kawa penell o baro Dewel, maro rai: Me bitchrau bud menshen dran bud themma pash tute. Kolla witsrenn miri netsa pral tute, un taprenn tut, un tserdenn tut win dran o pani.

Hosea 7:12

Te krenn i menshe an o them Efrajim jaake dureder, witsrau me miri netsa pral lende, un taprau len har tchirkle, un dau len pengri phagi, jaake har lenge penom, har jon khetne his.

Hosea 9:8

Miro Dewel bitchras man, leskro rakepaskres, te dap jak ap tumende an o them Efrajim. Un tumer tchiwenn i netsa win ap mire tsele dromma, te taprenn man har i tchirkles. Ninna an o kheer miro Deblestar lenn tumer man palla.

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

Louka 12:39

Kowa hunte haiwenn tumer: Te djinals kowa, kai ap o kheer jak della, ko tsiro, kai ko dre-phagepaskro wella, nai phagals kowa gar pash leste dren.

2. Korintarja 6:2

O Dewel penell an peskro lab: “Ap o tchatcho tsiro shunau tut, ap ko diwes lau tut dran o tchilatchepen win un dau tut o newo djipen.” Shunenn, kanna hi o tchatcho tsiro kai! Kanna lell lo tumen dran o tchilatchepen win!

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

2. Timoteo 2:26

Jaake wenn jon pale dran o bengeskre wasta win, kai jon pandlo his. O beng tapras len, te kran le kowa, hoi job kamella.

1. Petro 2:12

Tumer djiwenn mank i menshende, kai o Debles gar prindjrenna. Doleske djiwenn jaake, te hatsenn le kek tchilatchepen ap tumende! Un kolla, kai rakrenna djungeles pral tumende, kolla hunte dikenn o latcho koowa ap tumende, jaake te sharenn le o Debles ap ko diwes, kai job wella.

2. Petro 2:12

Kol chochene sikepangre rakrenn djungeles pral kowa, hoi jon gar prindjrenna. Jon hi har diwje vieche, kai wenn boldo, te wenn le tapedo un maredo. Jaake merenn jon ninna.