Sikepaskro 9:10 - O Debleskro Drom 2021 (Sinte)

¹⁰ Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

O Debleskro Lab 2024 (Sinte-Manouche)

¹⁰ Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Sikepaskro 9:10 Iomraidhean Croise

1. Mose 37:35

Un leskre tsele tchawe un tcha wan pash leste, te rakrenn le leha latches. Un job kamas gar, te well leskri duk krik lino. “Na-a” penas job, “miro dji rowella, bis te merau un wau pash miro tchaweste.” Jaake rowas leskro dad pral o Josefeste.

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

Nehemia 2:12

krom man rati pre, lom dui, triin murshen mantsa, un penom kek mensheske, hoi miro Dewel mange an o dji tchiwas, te krap me o foreske Jerusalem. Un his kek grai pash mande, har ko jek ap koleste me klissom.

Nehemia 4:2

Un jon tchiwan pen khetne, te djan le ap o foro Jerusalem, un te krenn le i menshen kote jaake diwjo, te djinell kek buder, hoi te krell lo.

Nehemia 4:6

Kol bibolde, kai gar dur lendar djiwan, wan pale te pale pash mende un penan menge, hoi kolen glan his.

Hiob 10:21

glan te djau koi, kai wau buder gar pale – an o tamlo them, kai hako tsiro kali rat hi

Hiob 10:22

awa, an ko them pherdo tamlepen un kali rat, kai lauter diwjes trujel tchiddo hi, un kai ninna i momeli tamlo hi.

Hiob 21:13

Kol tchilatchen hi i shukar djipen. Un kek dukentsa merenn le, un djan an o mulengro them.

Debleskri gili 6:5

Risse trujel, baro Dewel, un le man win! Tu hal jaake latcho, le man win!

Gosewe laba 3:28

Te nai deh les kowa kanna, ma pen ap leste: ‘Dja tuke un ab o wawar diwes pale! Palle kamau tut tchomone te dell’.

Sikepaskro 11:3

Te hi i wolke pherdo pani, palle denn le brishin ap i phub. Un te perell i ruk – nai well ap i tchatchi rig, nai well ap i serwi rig – kote kai lo perella, kote atchell lo tchiddo.

Sikepaskro 11:6

Doleske tchip o djob taissarla an i phub, un muk gar tele bis an i rati. Tu djineh gar, hoi bares wella, kawa te kowa, oder hake dui.

Jesaja 38:10

Me penom mange: Mashkral an miro djipen hunte merap un pash i mulende hunte djap. I bersha, hoi mange hunte wans, wan mange randedo!

Jeremia 29:13

Tumer rodenn man un hatsenn man. Te rodenn man tumaro tselo djijeha,

4. Mose 13:30

Har i menshe kowa shunan, trashan le un tchingran ap o Moseste. Koi das o Kaleb len trad, un penas: “Awenn, mer djah kote, un lah ko them menge! Mer nai ham sorleder har jon.”

Mateo 20:7

Penan le: Kek das men i budi. Koi penas job: Djan ap miro kotar them, un budrenn mange kote!

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Johanni 9:4

Jaake rah har diwes hi, kras mer, hoi o Dewel menge penas, kowa, kai bitchras man. I rati wella: Koi nai krell kek i budi.

Remarja 12:11

Ma awenn khino! Krenn tumari budi i tseli sorjah! Halauter, hoi tumer krenna, krenn o Jesuseske, maro rajeske!

1. Korintarja 15:10

O Dewel kamas an peskro baro latchepen, te wap me kowa, hoi me kanna hom. Un leskro baro latchepen, hoi job man das, his gar tchitcheske. Me budrom budeder har kol tsele wawar. Gar me kokres, o Debleskro latchepen an mande budras mantsa, te krap nai koi budi.

1. Korintarja 16:10

Te well o Timoteo pash tumende, palle len les jaake mishto pre, te well les kek traash. Un te dikell kek ap leste tele! Job budrell ninna o Debleske har me. Te well lo pale pash mande, djan i kotar drom leha! Me un i phrala, kai pash mande hi, atchah kate jaake rah, bis te was lo pash mende pale.

1. Korintarja 9:24

Haiwenn! Kol naashepangre nashenn lauter, un hakeno kamell o glanstuno te well. Jek kokres well o glanstuno. Tumer patsle, hunte nashenn jaake ap tumaro patsepaskro drom, har te kamans o glanstuno te well! Palle lenn tumer o shukar koowa, hoi o glanstuno lella!

1. Korintarja 9:26

Me nashau jaake har jek, kai djinella, kai job nashella. Me kurau man gar har jek, kai dell trul peste.

Efesarja 5:16

Hako kopo, kai krenn nai latcho koowa, krenn kowa! Kau tsiro, kai djiwah, hi tchilatcho.

Kolossarja 3:23

Lauter, hoi tumer krenna, krenn kowa o djijestar o Jesuseske, maro rajeske, un gar i menshenge!

1. Samuel 10:7

Kanna, te well kowa lauter, palle kre kowa, hoi glan tire wasta hi. O Dewel hi pash tute.