Sikepaskro 8:4 - O Debleskro Drom 2021 (Sinte)

⁴ An o baro rajeskro lab hi sorlepen, un kek nai penell ap leste: Hoske kreh tu kowa?

O Debleskro Lab 2024 (Sinte-Manouche)

⁴ An o baro rayeskro lab hi zorlepen, oun kek nay penell ap leste: Hoske kreh tou kova?

Sikepaskro 8:4 Iomraidhean Croise

2. Samuel 24:4

O baro rajeskro lab his sorleder har kol laba o Joabestar un leskre pralstune lurdendar. Jaake djas o Joab kol pralstune lurdentsa o baro rajestar krik, te hatsell job win har bud mursha an Israel hi.

1. Rajengro liil 1:30

Me krau kau diwes, har me man glan tute sowel dom pash o baro Debleste, kai o Israeleskro Dewel hi, har penom: ‘O Salomo, tiro tchawo, well pal mande o baro rai.’”

1. Rajengro liil 2:25

Un o baro rai Salomo bitchras o Benaja, koleskro dad o Jojada his, pash o Adonija, un kowa das les mulo.

1. Rajengro liil 2:46

Un o baro rai penas ap o Benaja, koleskro dad o Jojada his, te dell lo o Shimi temerl. Un kowa djas koi un maras les. Un o Salomes his halauter penepaske pral o them.

Esra 6:13

Kote kras o Tattenai, ko pralstuno pral o them ap i wawar rig o panjestar Eufrat, un o Shetar-Bosnai un kol mursha, kai pash lende his, pal hako lab, hoi lenge o rai Darius penas.

Hiob 9:12

Te lell lo jekes sorjah krik, koon kamell les pre te rikrell? Kek nai penell ap leste: Hoi kreh tu?

2. Mose 1:18

Palle mukas o baro rai kol chatchede chalja te well un penas: “Hoske shunan tumer gar ap mande un mukan kol mursh tchawen te djiwell?”

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Gosewe laba 20:2

I baro rai, te dell lo trad, palle hi kowa, har te dell i lewo gole. Kowa, kai leskri choli ap peste tserdell, nashrell peskro djipen.

Gosewe laba 30:31

o bashno, har djal lo pre-phurdemen trujel; o mursh busni; un o baro rai, har djal lo glan peskre lurdende.

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?