Sikepaskro 7:2 - O Debleskro Drom 2021 (Sinte)

² O mensheske hi feteder te djal lo an i kheer, kai jek meras un i menshe rowenna, har te djal lo an i kheer, kai krenn le i bijab. Kote, kai jek meras, well diklo, kai hako mensho hunte merella. Un koon gomme djido hi, mukell pes kowa an o dji te djal.

O Debleskro Lab 2024 (Sinte-Manouche)

² O mensheske hi feteder te djal lo an i kheer, kay yek meras oun i menshe rovenna, har te djal lo an i kheer, kay krenn le i biyab. Kote, kay yek meras, vell diklo, kay hako mensho hounte merella. Oun koon gomme djido hi, moukell pes kova an o dji te djal.

Sikepaskro 7:2 Iomraidhean Croise

Debleskri gili 90:12

Sike men, har sik maro djipen trujel hi, te was mer gosewo.

Sikepaskro 2:14

Kowa, kai gosewo hi, dikell, kai lo djal. O dinelo nashell an i rati. Un ninna haiwom, jekeske djal har o wawareske.

Sikepaskro 2:16

I gosewe hunte merenn, un i dinele ninna. Un ko gosewo well jaake sik bistedo har ko dinelo. An i tsirja kai wenna, hi halauter bistedo.

Sikepaskro 3:19

O mensheske djal har o viecheske: I vieche merenna, jaake merenn ninna i menshe. Un len halauter hi i ducho. Un o menshes hi tchi glan-wi glan o viecho. Tchatchepah, kowa hi phares te haiwell.

Sikepaskro 3:20

Halauter hunte merell, hako djipen was dran i tchik, un hako djipen well pale tchik.

Sikepaskro 6:6

Ninna te wals kowa dui serja bersha phuro, les wals tchi peskro djipastar – hake dui hunte meran.

Sikepaskro 9:2

Halauter hunte merenna. Kowa djal jaake jekeske har ko wawareske, koleske, kai shunell ap o Debleste har koleske, kai kamell tchi o Deblestar te djinell, koleske, kai krell o latchepen un koleske, kai krell o tchilatchepen, koleske, kai hi erligo un koleske, kai hi pale-tchiddo, koleske, kai chatchrell viechen o Debleske har koleske, kai chatchrell kek viechen leske. Jaake har o latcheske djal, jaake djal o tchilatcheske. Un kowa, kai dell pes sowel, koleske djal jaake har koleske, kai kamell pes gar sowel te dell.

Sikepaskro 9:3

Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

Sikepaskro 9:5

I djide djinenna, kai hunte merenn le, i mule djinenn tchi. Koleske, hoi le kran, well len witar buder tchi. Bistedo hi le.

Jesaja 47:7

Un tu penal: Me atchau rajetsa hako tsiro. Un mukal gar an tiro dji te djal, te nai perals kau koowa ap tute pale. Har kowa win djals, his tuke tchi moldo.

Jeremia 16:8

Tu djas witar gar an i kheer, kai krenn le i bijab, te wess pash lende beshdo, te chas un pijess!

Haggai 1:5

Doleske penell o baro Dewel, ko rai pral o bolepen un i phub: Denn garda har tumenge djala:

4. Mose 23:10

Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

Mateo 5:4

Bachtele hi kolla, kai kanna rowenna. O Dewel lell lengri duk dran lengro dji.

5. Mose 32:29

Har kamaus, te wans le gosewo! Palle haiwans le, hoi ap lende wella.

5. Mose 32:46

Denn jak ap kal tsele laba, hoi tumenge kau diwes penom. Penenn len ninna tumare tchawenge, un denn len trad, te rikrenn le pen ap kol tsele tchatchepaskre laba, un djiwenn pal lende.

Filiparja 3:19

Jon djan ap i drom, kai djan le nashedo. Lengro per hi lengro Dewel. Jon sharenn ko djungelo koowa, hoi kran le, un hunte ladjans pen pral kowa. Kowa, hoi an lengro shero trujel djala, hi phubjakro koowa.

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,