Sikepaskro 7:1 - O Debleskro Drom 2021 (Sinte)

¹ Well penlo: Hi feteder, te well jek latches an-diklo mank i menshende, har te makell lo pes latcho djeteha. Me penau: O diwes, kai i mensho merella, hi feteder har ko diwes, kai i mensho ap kai phub wella.

O Debleskro Lab 2024 (Sinte-Manouche)

¹ Vell penlo: Hi feteder, te vell yek lačes an-diklo mank i menshende, har te makell lo pes lačo djeteha. Me penau: O dives, kay i mensho merella, hi feteder har ko dives, kay i mensho ap kay phoub vella.

Sikepaskro 7:1 Iomraidhean Croise

Hiob 3:17

Kote mukenn i tchilatche tele pengri diwji goljatar. Kote nai sowenn kolla, kai hunte maran pen tele.

Debleskri gili 133:2

Kawa hi jaake har ko latcho makepaskro djet, hoi ap o Aroneskro shero tchoredo well, un tele nashella ap leskri tchora, un kotar dureder ap i meen leskro gadestar.

Gosewe laba 15:30

Te dikeh latches ap jekeste, well lo bachtelo. Te peneh leske i latcho lab, well lo sorelo.

Gosewe laba 22:1

Te rakrenn le pral tute latcho koowa, hi kowa feteder har baro brawlepen. Te dikenn le latches ap tute, hi kowa feteder har rup un sonakai.

Gosewe laba 25:10

Te kreh tu kowa, shunenn wawar menshe kolestar un kharenn tut ‘phukepaskro’. Un kowa well tuke gar buder bistedo.

Gosewe laba 27:9

Djet un sungepaskre kashta krenn o dji bachteles. Feteder hi o djijeskro kamlepen i malestar.

Sikepaskro 10:1

Mule matsille an o sungepaskro djet krenn o latcho djet fulles. I tikno dinlepen nai krell o tselo goswepen un an-dikepen i menshestar paash.

Sikepaskro 4:2

Kote penom mange, bachteles hi kolla, kai meran un paskedo hi, kolenge hi feteder har kolenge, kai kanna djiwenna.

Sikepaskro 7:8

Feteder hi, te pandess tiro mui, har te kress tiro mui pre o rakepaske. Feteder hi, te dess gar sik pre, har te wess pre-phurdo.

Kamlepaskri gili 1:3

Tiro sungepaskro djet sungell jaake latcho. Hakeno prindjrell tut. I tsele tcha kamenn tut.

Kamlepaskri gili 4:10

Har shukar hi tiro kamlepen, hejo, miri pirni! Har bud kope shukeder hi tiro kamlepen har mool! Un tiro sungepaskro djet hi feteder har i tsele wawar latche djeta.

Jesaja 56:5

palle dau tut i bar an miro kheer, kai tiro lab dren tchinlo hi. Kowa hi feteder har tchawe un tcha. Kau lab, hoi tut dau, well an kek tsiro bistedo.

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Louka 10:20

Awenn gar bachtelo, te shunenn i benga ap tumende! Awenn bachtelo, kai tumaro lab an o bolepen dren tchinlo hi!”

Johanni 13:2

Ap koi rati, har jon chan, das o beng o Judases an o dji, te phukrell lo ap leste. O Judaseskro dad his o Simon Iskariot.

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

2. Korintarja 5:8

Tchatchepah, maro dji hi sorelo, un mer kamams, te mukas i phub, te was khere pash o Debleste.

Hebrearja 11:2

Sawo patsepen his an mare phurende, un o Dewel dikas latches ap lende.

Hebrearja 11:39

Kolla lauter patsan ap o Debleste, un job dikas latches ap lende. Fothe latches job ap lende dikas, las gomme kek lendar kowa, hoi o Dewel kamell peskre tchawende te dell.

Debleskro tsiro 14:13

Un me shunom, har i rakepen dran o bolepen penas: “Tchin kowa an i liil dren: Kanna un an ko tsiro, hoi wella, hi kolla bachtele, kai merenna un rikran soreles pengro patsepen ap o rajeste, o Jesuseste.” “Awa,” penell o Debleskro Ducho, “lenge djal latches, un jon bistrenn pengri tseli phari budi. Kowa, hoi jon kran o Debleske hi gar bistedo an o bolepen.”

Ruth 3:14

Koi atchas li pash leskre pire tchiddo bis ap o wawar diwes. Un stas jaake sik taissarlake pre, kai jek o wawares gomme nai gar dikas. O Boas kamas gar, te djinell jek, te was i djuwel ap kai platsa.