Sikepaskro 6:7 - O Debleskro Drom 2021 (Sinte)

⁷ O mensho marell pes tele peskro chapaske. Un pale te pale lell lo bok un well gar tchalo hako tsireske.

O Debleskro Lab 2024 (Sinte-Manouche)

⁷ O mensho marell pes tele peskro rhapaske. Oun pale te pale lell lo bok oun vell gar čalo hako tsireske.

Sikepaskro 6:7 Iomraidhean Croise

Gosewe laba 16:26

Te hi i budepaskres bok, budrell lo budeder. Leskri bok penell leske, te krell lo dureder.

Sikepaskro 1:8

Khines krell man halauter, hoi i menshe rakrenna, un kek nai hatsell i tchatche laba. O jak nai dikell pes gar tchales, un o kand nai shunell pes gar tchales.

Sikepaskro 5:10

Kote kai bud brawlepen hi, kote hi ninna bud, kai chan o brawlepen pre; un koles, kai kowa lauter hi, leske atchell tchi, har te dikell lo les an!

Sikepaskro 5:9

Kowa, kai i lowe kamella, koles nai well gar doha lowe. Un kowa, kai lell pes brawlepen khetne, koles nai well witar gar doha. Ninna kau koowa hi tchitcheske.

Sikepaskro 6:3

Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

Sikepaskro 6:8

Hoi hi o gosewes o dineleske glan-wi an kau koowa? Hoi molell kanna o tchorweleske, te djinell lo, har te djal lo peskro drom mishto?

Mateo 6:25

Doleske penau me tumenge: Ma darenn tumaro djipaske! Ma darenn, te well tumen tchi te chal un tchi te pijell, witar gar, te well tumen tchi an-ripaske! O djipen hi budeder moldo har o chapen. Un o mensho hi budeder moldo har o ripen.

Louka 12:19

Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”