Sikepaskro 6:3 - O Debleskro Drom 2021 (Sinte)

³ Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

O Debleskro Lab 2024 (Sinte-Manouche)

³ Nay vell i morsh, koleske venn sheel čave boldo, oun yob djivell boud bersha. Te vals lo yaake phouro oun vals gar barhtelo pral o lačepen an peskro djipen, oun leske vals vitar kek paskepen kerdo, kolestar penau me: I ternepen, kay moulo boldo vas, djal feteder har leske.

Sikepaskro 6:3 Iomraidhean Croise

1. Mose 33:5

Un o Esau dikas pre un dikas i djuwjen i tchawentsa un putchas lestar: “Koon hi kolla, kai pash tute hi?” Penas o Jakob: “Miro Rai, kalla hi mire tchawe. O Dewel his mange jaake latcho, kai das lo man kal tchawe.”

1. Mose 47:9

Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

2. Rajengro liil 10:1

An o foro Samaria djiwan efta-deesh tchawe o Ahabestar. Un o Jehu tchinas lila un bitchras len ap kol pralstunende an ko foro Jesreel: ap kol phurende un ap kolende, kai tserdan o Ahabeskre tchawen pre. An ko liil hi dren tardo:

2. Rajengro liil 9:35

Har jon kote djan, te paskrenn le lat, hatsan jon latar tchi har i kokale o sherestar, i herjendar un i wastendar.

1. Familjakro liil 28:5

Un o baro Dewel das man bud tchawe. Mank lende rodas job miro tchawes, o Salomo win. Koleste das o baro Dewel peskro tchatcho wast, te well job baro rai pral Israel.

2. Familjakro liil 11:21

O Rehabeam kamas i Maacha, kolakro dad o Abishalom his, budeder har leskre tsele romjen un wawar djuwjen. Les his 18 (deesh-te-ochta) romjen un 60 (shob-deesh) wawar djuwjen. Un job was o dad 28 (biish-te-ochta) mursh tchawendar un 60 (shob-deesh) tchendar.

Ester 5:11

Glan lende phurdas pes o Haman pre un penas lenge, har baro leskro brawlepen hi, un kitse mursh tchawe les hi, un har hadas les o baro rai un tchiwas les pral i tsele pralstunende un pral i tsele rajeskre budepangre.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Hiob 3:11

Hoske merom me gar, har boldo wom, har me dran late win wom?

Hiob 3:16

Palle tchiwans le man tel i phub har sau ternepen, hoi glan o tsiro mules boldo was. Palle woms paskedo har sawo tchawo, hoi o kham kek tsireske dikas.

Debleskri gili 58:8

Kre te atchenn le gar djido, un hunte krik djan har pani, hoi an i phub nashell. Te tchiwenn le pengre faile an, muk len tele phagenn.

Gosewe laba 17:6

Tchawengre tchawe hi har i rajeskri stadi i phurenge. Un i tchawe sharenn pen pengro papeha un pengri mami.

Sikepaskro 4:3

Un feteder har kol dujenge hi koleske, kai was gar boldo un dikas gar ko tselo tchilatchepen, hoi well kerdo ap i phub.

Sikepaskro 6:4

Ko ternepen was boldo kek djipah, un an i rati djal lo koi. Kek nai djinell, hoi lestar wals.

Jeremia 22:19

Job well gar paskedo, job well krik tserdedo har i muli burika, un win witsedo glan i wudja o forestar Jerusalem.

Jeremia 36:30

Doleske penau pral tute, Jojakim, rai pral Juda: Kek tire tchawendar well pal tute o rai pral o Davideskro them. Tu mereh un weh win witsedo un atcheh tchiddo an o kham ap o diwes un an o shilapen an i rati.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Mateo 26:24

O Mensheskro Tchawo hunte merella, jaake har hi lestar tchinlo an o Debleskro lab. Hawi bibacht well ap koleste, kai ap leste phukrella! Koleske wals feteder, te wals lo gar boldo.”