Sikepaskro 6:12 - O Debleskro Drom 2021 (Sinte)

¹² Kek djinella, hoi o mensheske mishto hi an peskro djipen, hoi jaake tikno hi. Kau diwes hi lo koi un o wawar diwes buder gar. Un koon nai penell o mensheske, hoi pal leste wella ap kai phub?

O Debleskro Lab 2024 (Sinte-Manouche)

¹² Kek djinella, hoy o mensheske mishto hi an peskro djipen, hoy yaake tikno hi. Kava dives hi lo koy oun o vavar dives bouder gar. Oun koon nay penell o mensheske, hoy pal leste vella ap kay phoub?

Sikepaskro 6:12 Iomraidhean Croise

1. Familjakro liil 29:15

Har mare phure ham mer ninna wi-themarja glan tute, ham i tikno tsiro ap kai phub un djah dureder. Maro djipen ap kai phub hi har i shatto un atchell gar.

Hiob 14:2

Har i bluma well lo baro un merell tele. Jaake har i shatto, hoi well buder gar diklo, te djal o kham tele, hi lo buder gar.

Hiob 14:21

Te wenn leskre tchawe an-dikle menshe, job djinell kowa gar. Te well tele diklo ap lende, job haiwell kowa gar.

Hiob 8:9

Hi jaake har te wams boldo taissar. Mer djinah tchi. Maro tsiro, kai ham ap kai phub, hi tikno har i suni.

Debleskri gili 109:23

Miro djipen nashella mandar jaake har o diwes, te well i rat. Un me wau krik phurdedo har i stepaskro.

Debleskri gili 144:4

Har i ducho hi lo. Leskro djipen djal trujel har i suni.

Debleskri gili 16:5

Tu, baro Dewel, hal miro brawlepen, un deh man lauter, hoi man hunte well djipaske. Miro tselo djipen hi an tiro wast.

Debleskri gili 17:15

Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Debleskri gili 4:6

Denn kowa o Debleste, hoi mishto un tchatcho hi! Un patsenn, te krell o baro Dewel lauter mishto!

Debleskri gili 47:4

Job witsras menge i menshen dran wawar themma tel mare pire, un tchiwas men pral lende.

Debleskri gili 89:47

Baro Dewel, har rah kameh tut gomme te khatrell? Har rah mukeh tiri choli te chatchrell har i jag?

Sikepaskro 10:14

Ko dinelo krell bud laba un haiwas gar, kai kek mensho djinella, har halauter wella. Un kek nai penell leske, hoi pal leste wella.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Sikepaskro 2:24

Tchi hi feteder o mensheske, har te chal lo un pijell lo un well bachtelo pral kowa, hoi lo krell. I bachtelo dji, kowa dikom, well dran o Debleskro wast.

Sikepaskro 2:3

An miro rodepen pal o goswepen rakrom miro djijeha, un penom mange: Pi tuke i mool, te wess bachtelo. Un jaake har i dinelo wom mato. Koi putchom mandar: Hi sawo koowa mishto o mensheske an peskro tikno djipen?

Sikepaskro 3:22

Jaake dikom dren, tchi hi feteder, har te krell i mensho bachteles peskri budi; i bachtelo dji hi leskro brawlepen. Kek nai penell o mensheske, hoi ap i phub djala, te hi lo buder gar koi.

Sikepaskro 6:11

Jaake bud rakrell lo, jaake budeder hi leskro rakepen tchi-moldo. Hoi anell kowa o mensheske?

Sikepaskro 7:15

Me dikom bud koowa an miro djipen, hoi haiwom me gar: Koi hi i latcho mursh, kai djiwas i tchatcho djipen, un job merella glan te was lo phuro. Un koi hi i chocheno mursh, ko djiwell an o tchilatchepen, un job djiwell i rah djipen.

Sikepaskro 8:13

O tchilatcheske djal gar mishto. Un jaake har i shatto gar rah koi hi, djiwenn kolla gar rah, kai kamenn tchi o Deblestar te djinell.

Sikepaskro 8:7

Mer djinah gar, hoi wella. Koon nai penell menge, har halauter wella?

Sikepaskro 9:6

Har i menshe kaman len, un har choiran le pen pral lende, un har silweran jon ap lende, kowa lauter hi buder gar koi. Len hi tchi buder i menshentsa ap kai phub khetne, un koleha, hoi kerdo well ap kai phub.

Sikepaskro 9:9

Muk les tuke mishto te djal an tiro djipen tiri romjah, kai tu kameh, jaake rah har tut kau djipen hi, hoi tut o Dewel das, un hoi jaake sik trujel hi. Sawi bacht was tuke o Deblestar pash tiri tseli budi, hoi tu hunte kress kate ap kai phub.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Jakobo 4:14

Jaake rakrenn tumer un djinenn gar, hoi taissar hi! Tumaro djipen hi har i ducho, hoi atchella gar. Tumer han i tikno tsiro djido. Un ap jek kopo han tumer buder gar koi.