Sikepaskro 5:6 - O Debleskro Drom 2021 (Sinte)

⁶ Tchatchepah, bud sunja un bud laba molenn tchi. Dran kowa kre kowa, hoi o Debles sharell!

O Debleskro Lab 2024 (Sinte-Manouche)

⁶ Čačepah, boud sounya oun boud laba molenn či. Dran kova kre kova, hoy o Debles sharell!

Sikepaskro 5:6 Iomraidhean Croise

1. Mose 48:16

ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

Gosewe laba 23:17

Ma silwe ap kolende, kai o Debleskro drom mukan. Hako diwes de jak, te djiwess o baro Debleha.

Sikepaskro 10:12

O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Sikepaskro 3:14

Me haiwom, kai halauter, hoi o Dewel krella, hako tsireske atchella. Kek mendar nai krell tchomone pashel, un kek mendar nai lell tchomone krik. Kowa halauter krell o Dewel, te sharas mer les.

3. Mose 4:2

Rake i Israelentsa un pen lenge: Te kras jek tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: ‘Ma kre kowa!’

3. Mose 4:22

Te kras i pralstuno tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: Ma kre kowa!

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

4. Mose 15:25

Un jaake krell o rashai i tsele menshenge Israel, te well lauter pale mishto mank lende un o Debleste. Un koi doosh well lendar krik lino, – koi doosh, kolatar jon gar djinan, kai kaja i doosh hi, un kolake jon viechen anan un chapen chatchepaske o baro Debleske.

1. Korintarja 11:10

Doleske hunte tchakrell i romni peskro shero, te dikenn i bolepangre, kai lakro rom o pralstuno pral late hi.

1. Timoteo 5:21

Me penau tuke soreles glan o Debleste, un glan o Jesus Kristeste, un glan kol Debleskre bolepangre, te rikress tut ap ko koowa, hoi me tuke kanna penom! Pash hakeneste dja pal o tchatchepen! Ma tserde jekes glan o wawareste!

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Jakobo 1:26

Te penell i mensho: “Me djiwau pal o Debleskro lab,” un job rikrell peskro mui nai gar, kowa chochell pes kokres. Un kowa, hoi job o Debleske krella, hi tchi moldo.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.

2. Johanni 1:8

Denn jak, te nashrenn gar kowa, hoi mer tumen sikram, te well tumen ninna ko tselo brawlepen, hoi o Dewel kamell tumen te dell.