Sikepaskro 5:13 - O Debleskro Drom 2021 (Sinte)

¹³ Un i bibacht well un jon nashrenn halauter. Un te hi i tchawo koi, atchell leske tchi an o wast.

O Debleskro Lab 2024 (Sinte-Manouche)

¹³ Oun i bibarht vell oun yon nashrenn halauter. Oun te hi i čavo koy, ačell leske či an o vast.

Sikepaskro 5:13 Iomraidhean Croise

1. Mose 14:16

Un o Abram anas kowa pale, hoi tchoredo was, ninna peskro phraleskro tchawes, o Lot. Un leskro koowa anas job pale, ninna i tsele djuwjen un i tsele menshen.

1. Mose 19:14

Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

1. Mose 19:26

Un o Loteskri romni dikas pal peste. Dran late was i loneskro bar.

Hiob 20:20

An kek tsiro nai las lo doha. Doleske atchell leske ninna tchi fun leskro kutch koowa.

Gosewe laba 1:19

Jaake djal hakeneske, kai kamell o wawareskro brawlepen te lell. Sawo mensho lell peske kokres o djipen.

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Gosewe laba 23:4

Ab jaake gosewo, te maress tut gar tele, brawelo te well.

Gosewe laba 27:24

Brawlepen atchell gar, un i themeskro rai atchell gar rai hako tsiro.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Sikepaskro 5:14

Jaake har jek nanges boldo was, jaake djal lo pale, har lo was. Ninna te budras lo bud, nai lell lo tchi pestar peha, te merell lo.

Sikepaskro 8:9

Kowa halauter dikom, un lom halauter an o jak, hoi well kerdo ap kai phub, kai hadell pes jek pral o wawareste un krell les bibachtelo.

Jesaja 2:20

Un kol rupene un sonakangre figure, hoi i menshe pen kran, te mangenn le len an, kolen witsrenn le i kermusenge un i fledertikre kermusenge koi.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Louka 16:19

Un o Jesus penas pale: Koi his i brawelo mursh. Kowa his hako tsiro shukar un railes rido, un djiwas i shukar djipen.

Louka 19:8

O Zacheo his koi tardo un penas ap o Jesuseste: “Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.”