Sikepaskro 5:11 - O Debleskro Drom 2021 (Sinte)

¹¹ Gudlo hi o sopen koleske, kai budrella, te chas lo bud oder gar bud; o brawlepen o brawelestar mukell les gar te sowell.

O Debleskro Lab 2024 (Sinte-Manouche)

¹¹ Goudlo hi o sopen koleske, kay boudrella, te rhas lo boud oder gar boud; o bravlepen o bravelestar moukell les gar te sovell.

Sikepaskro 5:11 Iomraidhean Croise

1. Mose 12:16

Un doleske kras o baro rai o Abrameske latchepen. Un o Abram las bakre, grumja, burike, khamele un budepangre: mursha un djuwja.

1. Mose 13:2

O Abram his brawelo: Les his bud vieche, rup un sonakai.

Gosewe laba 23:5

Te dikeh tire jakentsa pre, hi o brawlepen gar buder koi, jaake sik hi lo krik har i tchirklo, hoi hadell peskre mussja un hadell pes an o bolepen.

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Sikepaskro 2:9

Un me wom baro un bareder har hakeno, kai glan mande o rai an o foro Jerusalem his. Un ko tselo koowa, hoi kote krom, krom o goswepah.

Sikepaskro 5:12

I djungelo koowa dikom ap i phub: Hi menshe koi, kai garenn pengro brawlepen pash peste un denn mishto jak ap kowa.

Sikepaskro 6:9

Well penlo: Feteder hi te dikas ap kowa, hoi men hi, har te nashas wawar koowa palla. Kowa hi ninna tchitcheske, un jaake har te nashams pal o ducho, hoi djal pral i phub.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Habakuk 2:13

O baro Dewel, ko rai pral o bolepen un i phub, krell, te well jaake: Ko tselo koowa, kai budran pen i menshe dran wawar themma temerl, kowa well i jagatar tele chatchedo. Un koleske kol menshe pen tele maran, his tchitcheske.

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.