Sikepaskro 5:1 - O Debleskro Drom 2021 (Sinte)

¹ Ma kre tiro mui sik pre, te rakreh glan o Debleste. O Dewel hi an o bolepen, un tu hal ap i phub. Doleske kre gar bud laba, te rakreh.

O Debleskro Lab 2024 (Sinte-Manouche)

¹ Ma kre tiro mouy sik pre, te rakreh glan o Debleste. O Devel hi an o bolepen, oun tou hal ap i phoub. Doleske kre gar boud laba, te rakreh.

Sikepaskro 5:1 Iomraidhean Croise

2. Familjakro liil 26:16

Un har leske bud sorlepen dino was, phurdas pes leskro dji pre. Un job kras, hoi leske gar mishto his, un hoi tchilatcho his glan leskro baro Debleste: Job djas an koleskro kheer te chatchrell lo leske sungepaskro koowa ap o sonakaskro bob.

Hiob 11:2

Patseh, te nai penah mer tchi pale ap kau bud rakepen? Sikrenn bud laba, te hi jek an o tchatchepen?

Hiob 22:12

Hi o Dewel gar dur pre an o bolepen? Dik pre pash i bolepangre momlia, dik, har dur pre kolla hi!

Debleskri gili 89:7

Koon an o bolepen hi jaake har tu, maro baro Dewel? Hawo Dewel nai well jaake har maro baro Dewel?

2. Mose 3:5

Penas o Dewel: “Ma dja dureder! Rib tire kircha win! Kai tu tardo hal, hi o Debleskri phub.”

2. Mose 30:18

Kre i thopaskro tcharo dran lolo saster, un tchip les ap herja, hoi ninna dran lolo saster hi. Un tchip les mashkral o Debleskro plachteno kheer un o Debleskri sasterni chatchepaskri. Un tchore pani dren,

Gosewe laba 10:19

Koon bud laba krell, anell ninna doosh ap peste. Koon peskro mui rikrell, hi gosewo.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Jesaja 66:3

Kowa, kai mange i gurum marell, marell ninna i menshes i chocheno debleske. Kowa, kai mange i terno bakro temerl dell, marell ninna i djukles i chocheno debleske. Kowa, kai mange chapen glan anell, anell ninna balengro rat i chocheno debleske. Kowa, kai mange sungepaskro koowa chatchrell, parkrell pes ninna pash i chocheno debleste. Jon djan pengre dromma jaake har jon les kamenna. Un shukar hi an lengre jaka, hoi an mire jaka djungeles hi.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Bičepangre 17:11

I bibolde an o foro Berea shunan feteder ap o Debleskro lab, har kol bibolde an o foro Tessalonika. Jon shunan o Debleskro lab pengro tselo djijeha, un rodan hako diwes an o Debleskro lab, te djinenn le, te hi kowa tchatcho, hoi o Paulo penas.

1. Korintarja 11:22

Nai chan un pijenn tumer gar khere? Hi kol patsle, kai o Debleske khetne wenna, tchi moldo an tumare jaka? Kamenn tumer ladj ap kolende te anell, kolen tchi hi? Hoi penap me tumenge? Sharap me tumen? Na-a! Doleske sharau me tumen gar.

Hebrearja 10:26

Te kamell jek ap i tchilatcho drom te djal, un krell kowa ninna, ninna te prindjrell lo o tchatchepen, koleske hi buder kek koi, kai nai merals, te lell lo leskri doosh krik.

Jakobo 1:19

Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

Josua 5:15

Koi penas o pralstuno pral o baro Debleskre lurdende ap leste: “Rib tire kircha win! I phub, ap koi tu tardo hal, hi o Debleskri phub.” Un o Josua kras jaake.