Sikepaskro 4:8 - O Debleskro Drom 2021 (Sinte)

⁸ Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

O Debleskro Lab 2024 (Sinte-Manouche)

⁸ Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Sikepaskro 4:8 Iomraidhean Croise

1. Mose 2:18

Un o baro Dewel, maro rai, penas: “Hi gar mishto, te atchell o rom kokres. Me krau jekes har job, kai pash leste hi.”

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Debleskri gili 39:7

O mensho well un djal pale har i suni. O mensho budrella bud tchitcheske un krell bud gole trul tchi. Job anell peske bud brawlepen khetne, un djinell gar, koon kowa lella.

Gosewe laba 27:20

O mulengro them well gar tchalo. Jaake hi ninna i menshengre jaka: Jon lenn gar doha.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 1:8

Khines krell man halauter, hoi i menshe rakrenna, un kek nai hatsell i tchatche laba. O jak nai dikell pes gar tchales, un o kand nai shunell pes gar tchales.

Sikepaskro 2:21

Kowa, hoi i mensho goswepah un latche wastentsa kras, hunte mukell lo halauter i wawareske, kai kras tchi koleske. Kowa hi ninna tchitcheske un i bari bibacht.

Sikepaskro 2:23

Leskro tselo djipen hi pherde duka, un leskro budepen pherdo ropen. Ninna an i rati nai sowell lo gar. Kowa hi ninna tchitcheske.

Sikepaskro 4:7

Un palle dikom i wawar koowa ap i phub, hoi hi phares te haiwell.

Sikepaskro 5:10

Kote kai bud brawlepen hi, kote hi ninna bud, kai chan o brawlepen pre; un koles, kai kowa lauter hi, leske atchell tchi, har te dikell lo les an!

Sikepaskro 5:9

Kowa, kai i lowe kamella, koles nai well gar doha lowe. Un kowa, kai lell pes brawlepen khetne, koles nai well witar gar doha. Ninna kau koowa hi tchitcheske.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Jesaja 55:2

Hoske denn lowe koleske, hoi kek maro hi? Hoske denn tumer kowa, hoi tumer tumari phari budjake lan, tchomoneske win, hoi gar tchalo krell? Shunenn ap mande, palle well tumen latcho koowa te chal, un nai chan tumen tchalo ap i feteder chapen.

Mateo 11:28

Tumer marenna tumen tele, te krenn kowa, hoi tumare phure ap tumende penan. Awenn pash mande! Me lau ko pharo koowa tumendar, te lenn tumer pale newi soor.

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.