Sikepaskro 4:14 - O Debleskro Drom 2021 (Sinte)

¹⁴ Kowa hi tchatcho, ninna te his ko terno mursh i pandlo budepaskro un was win ginlo, te well lo baro rai, ninna te was lo boldo an i tchorweli familja an ko them, pral leste job o rai well.

O Debleskro Lab 2024 (Sinte-Manouche)

¹⁴ Kova hi čačo, ninna te his ko terno morsh i pandlo boudepaskro oun vas vin ginlo, te vell lo baro ray, ninna te vas lo boldo an i čorveli familya an ko them, pral leste yob o ray vell.

Sikepaskro 4:14 Iomraidhean Croise

1. Mose 41:14

Koi bitchras o baro rai jekes, te kharell job o Josefes. Un jon mukan les sik dran o stilepen win. Un job tchinas peskri tchor tele, riwas newe ripja ap peste un was pash o baro rajeste.

2. Rajengro liil 24:12

Un o Jojachin, ko rai pral o them Juda, das pes an i wasta ko rajestar dran o them Babilonia, un djas win pash leste: job un leskri dai un leskre pralstune budepangre un bare lurde, ninna kol raja, kai an leskro kheer his. Un o Nebukadnezar, ko baro rai dran o them Babilonia, tchiwas les stildes. An ko tsiro his o Nebukadnezar an o ochtato bersh baro rai.

2. Rajengro liil 24:6

Un o Jojakim meras un was paskedo pash peskre phurende. Un leskro tchawo, o Jojachin, was baro rai pal leste.

2. Rajengro liil 25:7

Un leskre mursh tchawen maran le kote glan leskre jaka. Un leske wan i jaka win dino. Un jon pandan les sasterne shellentsa un anan les an o them Babilonia.

Hiob 5:11

Job krell kolen baro, ap kolende i wawar tele dikan. Un kolenge ropaske hi, kolen krell lo bachtelo.

Sikepaskro 4:15

Un me dikom, har i tsele djide menshe ap kai phub pengro djipen djiwenn. Ninna dikom i wawar terno murshes, kai pal leste o baro rai wals.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Daniel 4:31

Un har kol bersha trujel djan, penas o Nebukadnezar: “Me hadom mire jaka pre pash o bolepen. Un me wom pale sasto an miro shero. Un me parkrom man pash o pralstuno Debleste. Les sharom un hadom, kai hako tsiro djiwella. Hako tsiro hi lo o pralstuno. Job hi un atchell o rai.

1. Samuel 2:8

Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.