Sikepaskro 4:13 - O Debleskro Drom 2021 (Sinte)

¹³ I terno mursh, kai gosewo hi, ninna te hi lo gar brawelo, hi feteder har i phuro baro rai, kai dinelo hi, un mukell peske tchi te penell.

O Debleskro Lab 2024 (Sinte-Manouche)

¹³ I terno morsh, kay gosevo hi, ninna te hi lo gar bravelo, hi feteder har i phouro baro ray, kay dinelo hi, oun moukell peske či te penell.

Sikepaskro 4:13 Iomraidhean Croise

1. Mose 37:2

Kowa hi ko liil, kai tchinlo hi pral o Jakobeskre tchawende. O Josef, i terno mursh, – job his deesh-te-efta bersha phuro, – das jak ap i bakrende khetne peskre phralentsa. Kolla his i tchawe leskro dadeskre romjendar, i Bilha un i Silpa. Un te kran leskre phrala tchilatcho koowa, penas lo kowa pengro dadeske.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

Gosewe laba 19:1

Hi feteder te hal an o tchatchepen tardo un djiweh an tchorwlepen, har te wess i dinelo, kai rakrell chochepen.

Gosewe laba 28:6

Hi feteder te hal tchorwelo un djiweh i djudjo djipen, har te wals brawelo un djals ap bange dromma.

Sikepaskro 4:12

Jek te hi lo kokres, nai well sik khetne dino. Dui te hi khetne, nai wenn le sorleder har kowa, kai djal ap lende pre. Triin pesse thaba krenn i dori, hoi djal gar sik paash.

Sikepaskro 7:19

Leskro goswepen krell o gosewes sorleder har deesh sorele pralstune, kai an o foro garda denna.