Sikepaskro 4:1 - O Debleskro Drom 2021 (Sinte)

¹ Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

O Debleskro Lab 2024 (Sinte-Manouche)

¹ Palle dikom halauter, hoy gar čačo hi ap i phoub. Me dikom i sva kolendar, kay dan le lenge gar lengro čačepen, oun kolenge kek ap i rig vas. Kolla, kay kran lenge čilačepen, his zorelo. Doleske vas kek ap lengri rig.

Sikepaskro 4:1 Iomraidhean Croise

Hiob 16:4

Te wans tumer ap miri platsa, palle nai rakroms me jaake har tumer nai kroms bare laba pral tumende, un trissloms miro shero pral tumende.

Hiob 35:9

Te krenn i sorele i wawarenge bud tchilatcho koowa, rowenn kolla, un denn gole pal jekeste, kai lell len win dran i wasta kol sorelendar.

Hiob 6:29

Mukenn tele, tchilatchepen ap mande pre te anell! Awa, mukenn tele koleha! O tchatchepen hi ap miri rig!

Hiob 9:24

Job das i phub an o wast i tchilatchendar. Un kolla, kai o tchatchepen win krenn, kolen kras lo korelo, te dikenn le tchi. Te his job kowa gar, koon wawar his kowa?

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 142:4

Har djinom buder gar, hoi te krap, djinal tu, har mantsa dureder djal. Ap ko drom, hoi me hunte djom, tchiwan le dorja win, te perap dren.

Debleskri gili 142:5

Dik tut trujel: Kek kamell mandar tchomone te djinell. Me nashte nashau gar mange. Kek putchell pal mande.

Debleskri gili 42:3

Awa, man hi trush pal o Debleste, pal ko djido Debleste. Kaana nai wau glan tute an tiro kheer, te dikap tut?

Debleskri gili 42:9

Pral o diwes bitchrell o baro Dewel mange peskro latchepen, un rati giwau leske gilja, un mangau o Debles, kai les miro djipen an o wast hi.

Debleskri gili 69:20

Tu prindjreh i ladj, hoi ap mande peras, tu djineh, har jon man praassan un pal mande rakran. Kolla, kai mange o djipen phares krenn, hi lauter glan tire jaka.

Debleskri gili 69:21

Kai ladj phagell miro dji, un krell man nasselo. Patsom, te khaitoms me jekes, te wals jek kai, kai mange mire swa tele khossals. Na-a, kote his kek, gar jek, kai kowa krals.

Debleskri gili 80:5

Tu, baro Dewel un rai pral o bolepen un i phub, har rah kameh tu mentsa chojedo te well, kanna, kai tire menshe tut an-mangenn?

2. Mose 1:16

“Te lenn kol hebretikre djuwja tchawen, pale krenn i mursh tchawen mules, kol tchen mukenn te djiwell!”

2. Mose 1:22

Kanna penas o Farao ap i Egiptarja an peskro tselo them: “Kol tsele mursh tchawe, hoi newes boldo wan, witsrenn an o pani Nil! Un i tchen mukenn te djiwell!”

Gosewe laba 19:7

I phrala i tchorwelestar kamenn tchi lestar te djinell. Un har bud budeder rikrenn pen leskre mala lestar krik. Te kamell lo lentsa te rakrell, hi le buder gar koi.

Gosewe laba 28:3

I tchorwelo mursh, kai was baro un rikrell i tchorwelen tele, hi har depen, hoi lauter krik thowell un o djob paash krell.

Gosewe laba 29:2

Te hi bud menshe koi, kai an o tchatchepen tardo hi, palle hi i tsele menshe bachtelo. Te hi i tchilatcho o rai pral lende, palle hi i tsele menshenge ropaske.

Sikepaskro 3:16

Ninna dikom ap i phub, kote kai hunte rakrans i tchatchepangre o tchatchepen, his o tchilatchepen o rai. Un kote, kai hunte djans le pal o tchatchepen, rakran le chochepah.

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Sikepaskro 7:7

Ninna o gosewo well har i dinelo, te mukell lo pes te ginell. Dell jek leste lowe, te krell lo, hoi gar tchatcho hi, un job lell kol lowe an, palle nai djal lo buder gar pal o tchatchepen.

Sikepaskro 8:9

Kowa halauter dikom, un lom halauter an o jak, hoi well kerdo ap kai phub, kai hadell pes jek pral o wawareste un krell les bibachtelo.

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

Jesaja 51:23

Me dau les kanna an o wast kolendar, kai tiro djipen jaake phares kran, kolla, kai ap tute penan: “Witse tut tele, te djap pral tute wergel!” Un tu kral tiro dumo jaake, te hals jek i phubjah, un hals lenge har o drom, pral koleste jon pral wergel djan.

Jesaja 59:7

Tumare herja nashenna pal o tchilatchepen, un hi sik, te mukenn le kolen te ratell, kai kek tchilatchepen kran. Kowa, hoi mukenn tumenge an o shero te djal, hi har nai chochenn un dukrenn i wawaren. Ap tumare dromma atchell phagedo djipen pale.

Jeremia 16:7

Koi hi kek buder, kai dell chapen kolen, kai pral atchan un rowenn. Ninna te meras lengro dad un lengri dai, hi kek koi, kai dell len tchomone te pijell, te wenn le pale soreles.

Ropaskre gilja 1:16

Doleske rowau, un mire jaka hi pherde swa. Man hi kek, kai penell mange latche laba, te lell miro dji pale newi soor. Mire tchawe hi kokres koi tardo, Kolla, kai dan men khetne, wan i sorleder.

Ropaskre gilja 1:17

O foro Jerusalem hi har i djuwel, kai rikrell peskre wasta dur pre, un kek hi koi, kai lake ap i rig well. O baro Dewel kharas haki rigjatar kolen khetne, kai kurenn pen o Jakobeskre tchawentsa. O foro Jerusalem hi lenge har i chatchedi djuwel, ap kolate jon tele dikenn.

Ropaskre gilja 1:2

An i rati roweh, un tire swa nashenn tuke i tchamja tele. Kek tire tsele pirnendar well, un penell tuke i kamlo lab. Tire tsele mala mukan tut, un wan tchilatches ap tute.

Ropaskre gilja 1:9

Lakro ripen hi pherdo tchik. Un joi patsas gar kai lake jaake djala. Dur tele peras li, un kek hi lake koi, kai penell lake i kamlo lab. “Dik, baro Dewel, har djungeles mange djala, un kolla, kai man khetne dan, krenn pen bares.”

Amos 3:10

Jon dikenn gar ap o tchatchepen, penell o baro Dewel. Jon lenn penge brawlepen khetne an pengre khera, hoi tchoran le un lan le sorjah i wawarendar krik.

Amos 3:9

Denn win gole an i shukar khera an o foro Ashdod un an o them Egiptia: Awenn khetne ap i berge trul o foro Samaria, un dikenn, har diwjo un tchilatcho i menshe kote hi, un har jek o wawares sorjah tele rikrell.

Maleachi 2:13

Koi hi gomme i wawar koowa, hoi tumer kran: Te wenn tumer glan o baro Debleste, un o baro Dewel dikell gar latches ap kowa, hoi leske anenna, un kamell tchi dran tumare wasta te lell, palle rowenn tumer un denn gole, un tumare swa tchakrenn leskri chatchepaskri.

Maleachi 3:18

Palle dikenn tumer pale, kai djal gar emliges kolenge, kai an o tchatchepen tardo hi un kolenge, kai krenn o tchilatchepen. Djal wawartchandes koleske, kai mangell o Debles an, har koleske, kai mangell les gar an.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Mateo 26:56

Kawa lauter hunte djas, te well tchatcho, hoi o Debleskre rakepangre glan i rah tsiro an pengre lila tchinan.” Har peskre mala kowa shunan, nashan le penge lauter lestar.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.