Sikepaskro 3:8 - O Debleskro Drom 2021 (Sinte)

⁸ Koi hi tsirja, kai i menshe kamenn pen, un tsirja, kai tchingrenn le ap i wawarende. Dell tsirja, kai djiwah an o kurepen, un wawar tsirja, kai dell kek kurepen.

O Debleskro Lab 2024 (Sinte-Manouche)

⁸ Koy hi tsirya, kay i menshe kamenn pen, oun tsirya, kay čingrenn le ap i vavarende. Dell tsirya, kay djivah an o kourepen, oun vavar tsirya, kay dell kek kourepen.

Sikepaskro 3:8 Iomraidhean Croise

1. Rajengro liil 5:4

Un les his penepaske pral i tsele themma, kai hi ap koi rig o panjestar Eufrat, kai o kham tele djal, o forestar Tifsach bis pash o foro Gaza. Job his o baro rai pral i tsele raja kal themendar. Un les his kek kurepen kol tsele thementsa, kai trul leste his.

2. Rajengro liil 9:22

Har o Joram o Jehu dikas, putchas job: “Awenn tumer an o latchepen?” Koi penas lo: “Hoi – an o latchepen? Har nai wah an o latchepen jaake rah har tiri dai, i Isebel, sharell mule deblen un krell bengeskro koowa?”

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

Debleskri gili 101:3

Rikrau man pale te krap chocheno koowa, un kamau gar khetne te well kolentsa, kai bango koowa krenn. Sawo koowa kamau gar glan i jaka te dikell.

Debleskri gili 105:25

Kolenge das lo an o dji, te dikenn le tchilatche jakentsa ap o Debleskre menshende, un kran lenge midjak koowa.

Debleskri gili 139:21

Baro Dewel, hunte choirap man gar ap kolende, hoi pen ap tute choirenn? Mange well djungeles, te dikau kolen, kai hadenn pen ap tute.

Gosewe laba 13:5

O chocheno rakepen hi djungeles glan i jaka kolestar, kai an o tchatchepen tardo hi. O tchilatcho krell praassedo koowa un wi-ladjedo koowa.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

Louka 14:26

“Koon pash mande wella, un kamell peskro dades, peskri dat, peskri romjat, peskre tchawen, peskre phralen, peskre phenjen, un peskro djipen budeder har man, kowa nai well gar miro maal.

Efesarja 3:19

ninna te hi leskro kamlepen bareder har lauter, hoi an mare shere dren djala. Te haiwah leskro kamlepen bud un budeder, palle djiwell o Dewel bud un budeder an mende.

Efesarja 5:25

Tumer mursha, awenn jaake kamlo ap tumare romjende, har o Jesus Kristo kamlo hi ap i patslende! Job das peskro djipen lenge an o merepen,

Tito 2:4

I terne djuwjenge hunte penenn le, te kamell hakeni peskro romes un pengre tchawen o djijestar,

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.