Sikepaskro 3:6 - O Debleskro Drom 2021 (Sinte)

⁶ Jek tsiro hi koi, te rodas tchomone, un jek tsiro, kai rodah buder gar. Jek tsiro hi koi, kai rikrah tchomone, un jek tsiro, kai witsrah les krik.

O Debleskro Lab 2024 (Sinte-Manouche)

⁶ Yek tsiro hi koy, te rodas čomone, oun yek tsiro, kay rodah bouder gar. Yek tsiro hi koy, kay rikrah čomone, oun yek tsiro, kay vitsrah les krik.

Sikepaskro 3:6 Iomraidhean Croise

1. Mose 31:18

un tradas peskre tsele viechen glan peste. Ninna las lo peskro tselo brawlepen, hoi job kras peske khetne an o them Paddan-Aram, te djal lo pash peskro dadeste Isaak an o them Kanaan.

2. Rajengro liil 5:26

O Elisa penas ap leste: “Me homs an miro ducho koi pashel, har ko mursh dran peskro wurdin djas un pash tute was. Kanna hi gar ko tsiro, te less rup un raile ripja, te giness tuke bakre un grumja, un them, kai djeteskre ruka un drakengre ruka baro wenn, un budepangre: mursha un djuwja.

2. Rajengro liil 7:15

Un jon djan lenge palla bis pash o pani Jordan, un dikan, kai ap o drom ripja un wawar koowa tchiddo hi, kai kol Syrarja an o sikepen krik witsran. Un har kol bitchepangre pale wan un kowa o baro rajeske penan,

2. Rajengro liil 8:9

O Hasael djas pash o Elisa un las latcho un kutch koowa peha, hoi an Damaskus kerdo was, te dell lo les. Kowa his jaake bud, kai hidjran kowa star-deesh khamele. Un har job koi was, djas lo glan o Elisa un penas: “Tiro tchawo Ben-Hadad, ko baro rai pral Syria, bitchras man pash tute un putchell tutar: Nai wau me sasto kau nasslepastar?”

Debleskri gili 112:9

Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

Sikepaskro 11:1

Witse tiro maro ap o pani; un tu hatseh les pale pal bud diwessa.

Sikepaskro 3:5

Jek tsiro hi koi, te witsras barra, un jek tsiro, te tchiwas barra khetne. Dell jek tsiro, kai taprah men trujel, un jek tsiro, kai taprah men buder gar trujel.

Sikepaskro 3:7

Koi hi jek tsiro, kai krenn i menshe pengre koola paash, un jek wawar tsiro, kai siwenn le penge newe koola. Koi hi jek tsiro, kai rakrah gar, un i wawar tsiro, kai rakrah.

Jesaja 2:20

Un kol rupene un sonakangre figure, hoi i menshe pen kran, te mangenn le len an, kolen witsrenn le i kermusenge un i fledertikre kermusenge koi.

Jona 1:5

Un i bari traash was ap kol tsele murshende, kai ap ko shiffo budran. Un jon dan i bari gole hakeno ap peskro debleste. Un jon witsran ko koowa, hoi ap ko shiffo tchiddo his, an o baro pani, te well ko shiffo buder gar jaake pharo. Un o Jona his tele an o shiffo, his koi tchiddo, un sowas soreles.

Mateo 19:29

Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Bičepangre 27:19

O triinto diwes witsran jon kowa an o pani, hoi ap o shiffo his, te nai ulerell lo.

Bičepangre 27:38

Un har jon lauter tchalo his, witsran le o tselo djob an o pani, te well o shiffo buder gar jaake pharo.