Sikepaskro 3:19 - O Debleskro Drom 2021 (Sinte)

¹⁹ O mensheske djal har o viecheske: I vieche merenna, jaake merenn ninna i menshe. Un len halauter hi i ducho. Un o menshes hi tchi glan-wi glan o viecho. Tchatchepah, kowa hi phares te haiwell.

O Debleskro Lab 2024 (Sinte-Manouche)

¹⁹ O mensheske djal har o firheske: I firhe merenna, yaake merenn ninna i menshe. Oun len halauter hi i dourho. Oun o menshes hi či glan-vi glan o firho. Čačepah, kova hi phares te hayvell.

Sikepaskro 3:19 Iomraidhean Croise

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 49:12

Paskedo wenn le un atchenn an lengre mulengre khera hako tsiro, ninna te das i tsiro, kai dan le pengro them pengro lab.

Debleskri gili 49:13

Fothe brawelo i mensho ninna hi, job hunte merell jaake har i viecho ninna.

Debleskri gili 49:20

hunte merell lo un djal kote, kai leskre mule phure hi, kolla, kai buder gar i momeli dikenna.

Sikepaskro 1:14

Me dikom halauter, hoi kerdo was ap kai phub, un nai penau tumenge, halauter hi tchitcheske, un jaake har te nashals jek pal o ducho, hoi djal pral i phub.

Sikepaskro 1:17

Miri tseli djijeskri sorjah kamom te hatsap win, hoi tchatchepah goswepen hi, un hoi dinelo un narwelo hi. Un kote hatsom win, kai kowa jaake hi, har te nashoms pal o ducho, hoi djal pral i phub.

Sikepaskro 2:14

Kowa, kai gosewo hi, dikell, kai lo djal. O dinelo nashell an i rati. Un ninna haiwom, jekeske djal har o wawareske.

Sikepaskro 2:16

I gosewe hunte merenn, un i dinele ninna. Un ko gosewo well jaake sik bistedo har ko dinelo. An i tsirja kai wenna, hi halauter bistedo.

Sikepaskro 7:2

O mensheske hi feteder te djal lo an i kheer, kai jek meras un i menshe rowenna, har te djal lo an i kheer, kai krenn le i bijab. Kote, kai jek meras, well diklo, kai hako mensho hunte merella. Un koon gomme djido hi, mukell pes kowa an o dji te djal.

Sikepaskro 9:12

Ninna djinell o mensho peskro tsiro gar, un well tapedo an o tchilatcho tsiro, hoi ap jek kopo pral leste perell, jaake har i matche tapedo wenn an i netsa, un i tchirkle an pandle dorja.

Sikepaskro 9:2

Halauter hunte merenna. Kowa djal jaake jekeske har ko wawareske, koleske, kai shunell ap o Debleste har koleske, kai kamell tchi o Deblestar te djinell, koleske, kai krell o latchepen un koleske, kai krell o tchilatchepen, koleske, kai hi erligo un koleske, kai hi pale-tchiddo, koleske, kai chatchrell viechen o Debleske har koleske, kai chatchrell kek viechen leske. Jaake har o latcheske djal, jaake djal o tchilatcheske. Un kowa, kai dell pes sowel, koleske djal jaake har koleske, kai kamell pes gar sowel te dell.

4. Mose 16:29

Jon te merenna jaake har i tsele menshe merenna, palle bitchras man o baro Dewel gar.