Sikepaskro 3:11 - O Debleskro Drom 2021 (Sinte)

¹¹ Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

O Debleskro Lab 2024 (Sinte-Manouche)

¹¹ Hako koova, hoy o Devel krell, krell lo ap o čačo tsiro. Oun yob čivas o mensheske an o dji, te hayvell lo, kay hi čomone koy, hoy ačell hako tsiro. Ninna te hi kova yaake, nay hayvell o mensho gar ko tselo koova, hoy o Devel krell, kokres tikne kotya kolestar.

Sikepaskro 3:11 Iomraidhean Croise

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

Hiob 11:7

Patseh, te djineh halauter, hoi an o Debleskro dji hi? Nai haiweh tu, har baro o sorelo Dewel hi?

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

Gosewe laba 16:4

Lauter, hoi o baro Dewel kras, hi tchomoneske, ninna kras lo o tchilatcho menshes ko diweske, kai i bibacht wella.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 11:5

Tu djineh gar hawo drom o phurdepen djala, un har i kokale kerdo wenna an i dakro per. Jaake nai djineh tu witar gar, hoi o Dewel halauter krella, un har job halauter krella.

Sikepaskro 7:13

Dik, hoi o Dewel halauter kras! Kek nai krell wawartchandes, hoi job bango kras!

Sikepaskro 7:23

Kowa halauter kamom te haiwell i gosewo djijeha. Me penom mange ‘me kamau gosewo te well’. Un me nai haiwom les gar.

Sikepaskro 7:29

Dik, kowa kokres hatsom: O Dewel kras o menshes jaake, te djiwell lo an o tchatchepen; i menshe rodenn penge bud dromma, kai nai krenn le tchilatchepen.

Sikepaskro 8:17

Un me dikom halauter, hoi o Dewel kras. Tchatchepah, i menshe nai haiwenn gar halauter, hoi job kras ap kai phub. Ninna te rodell o mensho phares, te haiwell lo ko koowa, nai hatsell lo gar win, hoske halauter jaake hi. Un ninna o gosewo, te penell lo: “Me djinau les”, nai hatsell lo les gar win.

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

Mateo 13:22

Wawar menshe hi har ko kotar phub, kai o djob tel i subjengre burra peras. Jon shunan ko lab. Palle dikenn le ap i phubjakro koowa un kamenn brawele te well. Un o brawlepen chochell i menshen. Un ko lab, hoi shunan le, well tassedo, un nai rakrell buder gar an lengro dji.

Markus 7:37

Un kolenge, kai kowa shunan, atchas o rakepen krik, un jon penan: “O Jesus kras lauter mishto. Kolen, kai nashte shunenn gar, krell lo, te shunenn le. Un kolen, kai rakrenn nashte gar, krell lo, te rakrenn le.”

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.