Sikepaskro 2:8 - O Debleskro Drom 2021 (Sinte)

⁸ Me lom mange ninna rup un sonakai khetne, un hoi wawar raja un themma man dan. Me mukom gipangren pash mande khetne te well, murshen un djuwjen. Un man his jaake bud djuwja har kamom, te krenn le man bachtelo.

O Debleskro Lab 2024 (Sinte-Manouche)

⁸ Me lom mange ninna roup oun sonakay khetne, oun hoy vavar raya oun themma man dan. Me moukom gipangren pash mande khetne te vell, morshen oun djouvyen. Oun man his yaake boud djouvya har kamom, te krenn le man barhtelo.

Sikepaskro 2:8 Iomraidhean Croise

2. Samuel 19:35

Penas o Barsillai ap o baro rajeste: “Me djiwau buder gar rah. Hoske djap me tuha tele an o foro Jerusalem?

1. Rajengro liil 10:10

Un joi das o baro rajes Salomo 120 (sheel-te-biish) zentnarja sonakai, un bud latcho sungepaskro djet un bud kutch barra. An kek tsiro buder was jaake bud latcho sungepaskro djet an o them, har kowa, hoi i rajetsa dran Saba o rajeske Salomo anas.

1. Rajengro liil 10:14

Un ko sonakai, hoi was o Salomeske anlo an jek bersh, his 666 (shob-sheel-shob-deesh-te-shob) zentnarja sonakai.

1. Rajengro liil 10:21

Un i tsele pipaskre tchare o rajestar Salomo his dran sonakai, un ko tselo koowa an o kheer, hoi kharell Libanoneskro weesh, his dran djudjo sonakai, tchi his dran rup kerdo. Rup his an i diwessa, kai o Salomo o baro rai his, tchi moldo.

1. Rajengro liil 11:3

Un les his 700 (efta-sheel) romja, kai wan dran rajengre khera, un 300 (triin-sheel) wawar djuwja. Un leskre djuwja rissran leskro dji.

1. Rajengro liil 14:27

Doleske mukas o baro rai Rehabeam shilte te krell dran lolo saster, un das len i pralstunende pral kol lurdende, kai dan garda pash o baro wudar glan leskro kheer.

1. Rajengro liil 9:14

Ko tselo sonakai, hoi bitchras o Hiram o rajeske Salomo his sheel-te-biish (120) zentnarja sonakai.

1. Rajengro liil 9:28

Kolla wan an o them Ofir un lan kotar sonakai pentsa, 420 (star-sheel-te-biish) zentnarja sonakai, un anan les pash o rajeste Salomo.

1. Familjakro liil 25:1

Un o David khetne i pralstunentsa pral i lurdende, rodas i gipangre un bashepangre win, te giwenn le Debleskre gilja, bashrenn ap dorjengre bashepangre, un denn ap sasterne patria. Kolla wan dran i khera Asaf, Heman un Jedutun.

1. Familjakro liil 25:6

Kalla lauter giwan an o baro Debleskro kheer un bashran ap sasterne patria un dorjengre bashepangre, jaake har o baro rai penas. Lengre dada, o Asaf, o Jedutun un o Heman his i gipangre raja.

2. Familjakro liil 9:11

Un o rai Salomo kras dran ko kasht shukar tchinle kashta o baro Debleskro khereske un peskro khereske, ninna dorjengre bashepangre, ap kolende i gipangre bashran. Glan ko tsiro was sawo kasht gar diklo an o them Juda.

Esra 2:65

Win lino his lengre budepangre: Kolla his 7.337 (efta-serja-triin-sheel-te-trijanda-te-efta) mursha un djuwja: Koi pashel wan lengre gipangre: 200 (dui-sheel) mursha un djuwja.

Sikepaskro 1:2

Phares te haiwell hi halauter, penas o sikepaskro, halauter an o djipen hi phares te haiwell.

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Daniel 3:5

Te shunenn tumer o bashepen ap i phurdepangre, ap i dorjengre bashepangre un ap i tsele wawar bashepangre, palle hunte witsrenn tumen tele glan koi sonakaskri figura, hoi mukas o baro rai Nebukadnezar pre te tchiwell.

Daniel 3:7

Un kol tsele menshe, kai khetne wan dran hako them un dran hako rakepen, shunan o phurdepaskro bashepen un o bashepen ap kol dorjengre bashepangre un ko tselo wawar bashepen. Koi witsran le pen tele ap i phub glan koi sonakaskri figura, hoi mukas o baro rai Nebukadnezar pre te tchiwell.

Amos 6:5

un bashenn ap i harfa un krenn gilja har o David.