Sikepaskro 2:17 - O Debleskro Drom 2021 (Sinte)

¹⁷ Kote his mange miro djipen buder gar shukar. Kowa, hoi i menshe krenna ap kai phub, hi tchitcheske. Halauter hi tchitcheske, un jaake har te nashals jek pal o ducho, hoi djal pral i phub.

O Debleskro Lab 2024 (Sinte-Manouche)

¹⁷ Kote his mange miro djipen bouder gar shoukar. Kova, hoy i menshe krenna ap kay phoub, hi čičeske. Halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 2:17 Iomraidhean Croise

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

Hiob 14:13

Har kamoms, te khatress tu man an o mulengro them, te pandess man kote dren, bis te tiri choli trujel hi. Kamoms te mukals man jek tsiro koi, un palle woms tuke pale an o shero!

Debleskri gili 89:47

Baro Dewel, har rah kameh tut gomme te khatrell? Har rah mukeh tiri choli te chatchrell har i jag?

Sikepaskro 1:14

Me dikom halauter, hoi kerdo was ap kai phub, un nai penau tumenge, halauter hi tchitcheske, un jaake har te nashals jek pal o ducho, hoi djal pral i phub.

Sikepaskro 1:17

Miri tseli djijeskri sorjah kamom te hatsap win, hoi tchatchepah goswepen hi, un hoi dinelo un narwelo hi. Un kote hatsom win, kai kowa jaake hi, har te nashoms pal o ducho, hoi djal pral i phub.

Sikepaskro 2:11

Un har dikom ko tselo koowa, hoi mire wasta kran, un koi budi, hoi man koi pashel his, kote haiwom, lauter hi tchitcheske, har te nashoms pal o ducho, hoi djal pral i phub. Un tchi well win dran halauter, hoi krom an miro djipen.

Sikepaskro 2:22

Hoi atchell o mensheske, kai pes tele budras un tele maras pash peskri budi?

Sikepaskro 3:16

Ninna dikom ap i phub, kote kai hunte rakrans i tchatchepangre o tchatchepen, his o tchilatchepen o rai. Un kote, kai hunte djans le pal o tchatchepen, rakran le chochepah.

Sikepaskro 4:2

Kote penom mange, bachteles hi kolla, kai meran un paskedo hi, kolenge hi feteder har kolenge, kai kanna djiwenna.

Sikepaskro 4:3

Un feteder har kol dujenge hi koleske, kai was gar boldo un dikas gar ko tselo tchilatchepen, hoi well kerdo ap i phub.

Sikepaskro 6:9

Well penlo: Feteder hi te dikas ap kowa, hoi men hi, har te nashas wawar koowa palla. Kowa hi ninna tchitcheske, un jaake har te nashams pal o ducho, hoi djal pral i phub.

Ezekiel 3:14

Un o ducho hadas man pre un las man krik. Un an mande his i bari choli. Kowa, hoi o baro Dewel mande sikras, his phares tchiddo ap mande.

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Habakuk 1:3

Hoske mukeh tu man sawo tchilatchepen te dikell? Hoske dikeh tu, har i menshe dukedo wenna, un kreh tchi? Kai dikau, dikau tchorepen un djungelo koowa, kurepen un tchingepen.

4. Mose 11:15

Te kameh tu mantsa jaake te krell, palle ab mange latcho un de man mulo, te dikap gar miri bibacht.”