Sikepaskro 2:1 - O Debleskro Drom 2021 (Sinte)

¹ Me penom mange: Mishto palle, me kamau latches te djiwell un mukau les mange mishto te djal! Kote haiwom, kai kowa ninna tchitcheske hi.

O Debleskro Lab 2024 (Sinte-Manouche)

¹ Me penom mange: Mishto palle, me kamau lačes te djivell oun moukau les mange mishto te djal! Kote hayvom, kay kova ninna čičeske hi.

Sikepaskro 2:1 Iomraidhean Croise

1. Mose 11:7

Awenn, djas tele pash lende un das hakenes i wawar rakepen, jaake, kai jek i wawares buder gar haiwella.”

2. Rajengro liil 5:5

“Dja koi”, penas o baro rai pral Syria. “Me kamau o baro rajeske pral Israel i liil te tchinell.” O Naaman djas koi un las peha efta zentnarja rup un shob serja sonakangre lowe un deesh raile ripja.

Debleskri gili 10:6

Job penell peske an peskro dji: Tchi nai witsrell man trujel. Kek bibacht well ap mande.

Debleskri gili 14:1

I gili o rajeske pral i gipangre. O David kras kai gili. Dinele hi le, kai rakrenn penge: “O Dewel dell pes gar!” Tchi-molde hi le! I ladj hi kowa, hoi jon krenn. Kek hi koi, kai krell latchepen.

Debleskri gili 27:8

Tire laba wan mange an o shero, hoi tu penal: “Awenn pash mande!” Doleske wau pash tute.

Gosewe laba 14:13

Ninna te sal jek, nai rowell o dji. Un pal o sapen well o ropen.

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Sikepaskro 2:10

Halauter hoi mire jaka kaman, kowa dom len. Un miro djijeske dom halauter, hoi mukas les te bashrell. Jaake wom bachtelo pral halauter hoi krom. Un halauter, koleske man tele marom, anas mange tchatchepah bacht an o dji.

Sikepaskro 2:15

Kote penom mange: Te djal mange har o dineleske, hoske rodom palle pal o goswepen? Ninna kowa hi tchitcheske.

Sikepaskro 2:25

Kekes hi chapen, un kek nai mukell les peske mishto te djal, te dell les o Dewel kowa gar!

Sikepaskro 7:4

O gosewo djal kote, kai jek meras un i menshe rowenna. O dinelo djal kote, kai sapaske hi.

Sikepaskro 8:15

Doleske penau me: Men hunte wals i dji, hoi bachtelo hi. O mensheske dell tchi ap kai phub, hoi feteder hi, har te chal lo un te pijell lo, un te mukell lo les peske mishto te djal. Kowa hi, hoi nai krah pash mari tseli budi an maro djipen, hoi o Dewel men das ap kai phub.

Jesaja 5:5

Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Jesaja 50:11

Tumer lauter, kai i jag krenn, un kashta tchinenn un an-chatchenn, te denn tchurje lentsa, nashenn an tumari jag! Un chatchrenn tumen kokres kol kashtentsa, hoi an-chatchan! Kawa hi, hoi ap tumende well dran o wast o baro Deblestar: An phare duka wenn tumer koi tchiddo.

Jesaja 50:5

O baro Dewel, miro rai, kras mange o kand pre, un me tchiwom gar leskro lab ap i rig, un me djom leske gar dran o drom.

Louka 12:19

Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

Louka 16:19

Un o Jesus penas pale: Koi his i brawelo mursh. Kowa his hako tsiro shukar un railes rido, un djiwas i shukar djipen.

Louka 16:23

Har job kanna an o mulengro them his, wan bare duka ap leste. Un job dikas pre, un dikas o Abrahames dural, un o Lazaro his pash leste beshdo.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

Jakobo 4:13

Mashkral tumende hi kolla, kai penenna: “Kau diwes kamah mer an ko foro te djal, un kamah jek bersh koi te atchell, te ginas un te bikras, un te anas bud lowe khetne.”

Jakobo 5:1

Kanna penau ap tumende, kai brawelo han: Rowenn un denn gole pral koi bibacht, hoi pral tumende wella!

Jakobo 5:5

Tumenge djas mishto ap kai phub, tumer chan un pijan, un wan pesso, jaake har i vieche, kai wenn maredo.