Sikepaskro 11:8 - O Debleskro Drom 2021 (Sinte)

⁸ I mensho, te djiwell lo bud bersha, mu well lo bachtelo pral hako bersh, kai djiwell lo. Mu bistrell lo gar, te wenn kale diwessa. Ninna kolla hi bud. Halauter, hoi wella, hi menge khatedo.

O Debleskro Lab 2024 (Sinte-Manouche)

⁸ I mensho, te djivell lo boud bersha, mou vell lo barhtelo pral hako bersh, kay djivell lo. Mou bistrell lo gar, te venn kale divessa. Ninna kolla hi boud. Halauter, hoy vella, hi menge khatedo.

Sikepaskro 11:8 Iomraidhean Croise

Hiob 10:21

glan te djau koi, kai wau buder gar pale – an o tamlo them, kai hako tsiro kali rat hi

Hiob 10:22

awa, an ko them pherdo tamlepen un kali rat, kai lauter diwjes trujel tchiddo hi, un kai ninna i momeli tamlo hi.

Hiob 14:10

Merell i mursh, hi lo buder gar. Kek ducho atchell an leste. Kai hi lo?

Hiob 14:12

Jaake hi ko mensho, kai tchiwell pes tele un merell. Job stell gar buder pre. Jaake rah har o bolepen koi hi, well lo buder gar djangelo, un kek djangrell les pre dran peskro sopen.

Hiob 15:23

Job djal kate te kote un rodell chapen, un hatsell tchi. Un job haiwas, te well i kalo diwes pral leste.

Hiob 18:18

I phubjatar, kai i djide djiwenn, was lo tradedo an ko tamlo them, kai i mule hi.

Debleskri gili 49:20

hunte merell lo un djal kote, kai leskre mule phure hi, kolla, kai buder gar i momeli dikenna.

Sikepaskro 11:2

Phage tiro maro an kotja, un de les efta, ochta menshenge; tu djineh gar, hawi bibacht well pral kai phub.

Sikepaskro 2:15

Kote penom mange: Te djal mange har o dineleske, hoske rodom palle pal o goswepen? Ninna kowa hi tchitcheske.

Sikepaskro 2:17

Kote his mange miro djipen buder gar shukar. Kowa, hoi i menshe krenna ap kai phub, hi tchitcheske. Halauter hi tchitcheske, un jaake har te nashals jek pal o ducho, hoi djal pral i phub.

Sikepaskro 2:19

Koon djinell, koon kowa hi, kai pal mande well, i gosewo mursh oder i dinelo mursh? Well har wella! Job well o rai pral halauter, koleske man tele marom un gosewes pre tchiwom an miro djipen. Jaake hi kowa ninna tchitcheske.

Sikepaskro 2:26

Kol menshe, kai djiwenn jaake har glan o Debleste mishto hi, kolla lenna lestar goswepen un bacht an o dji. Kolla, kai djan o Debleskro dromestar tele, kolen mukell lo te budrell un brawlepen khetne anell, hoi pal i tsiro i wawareske well, jekeske, kai djiwell jaake har glan o Debleste mishto hi. Palle his leskri tseli budi tchitcheske, un jaake har te nashals lo pal o ducho, hoi djal pral i phub.

Sikepaskro 4:16

Un me dikom bud menshe, jaake bud te penau nai gar, kitse jon hi. Kolla kai his glan leste, un kolla, kai wan pal leste, kek lendar his bachtelo pral kowa, hoi job kras. Kowa hi ninna tchi-moldo, un jaake har te nashals jek pal o ducho, hoi djal pral i phub.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Sikepaskro 6:11

Jaake bud rakrell lo, jaake budeder hi leskro rakepen tchi-moldo. Hoi anell kowa o mensheske?

Sikepaskro 6:6

Ninna te wals kowa dui serja bersha phuro, les wals tchi peskro djipastar – hake dui hunte meran.

Sikepaskro 7:14

Te hi tut i latcho tsiro, palle muk les tuke latches te djal. Te hi tut i djungelo tsiro, palle dikess dren: O Dewel kras ko jek tsiro har ko wawar, te djinell o mensho gar, hoi wella an kol diwessa, kai wenna.

Sikepaskro 8:12

Ninna te djiwell kowa i lengsto djipen, kai krell sheel kope fullo koowa, djinau me, te djal kolenge kokres mishto, kai djiwenn o Debleha un mukenn les lengro rai te well.

Sikepaskro 8:15

Doleske penau me: Men hunte wals i dji, hoi bachtelo hi. O mensheske dell tchi ap kai phub, hoi feteder hi, har te chal lo un te pijell lo, un te mukell lo les peske mishto te djal. Kowa hi, hoi nai krah pash mari tseli budi an maro djipen, hoi o Dewel men das ap kai phub.

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Joel 2:2

Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Mateo 22:13

Penas o baro rai ap peskre budepangre: Pandenn les ap i pire un ap i wasta, un witsrenn les win an i kali rat! Un kote rowenn le un dandrenn i danda i dukatar khetne.”

Johanni 12:35

Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

5. Mose 32:29

Har kamaus, te wans le gosewo! Palle haiwans le, hoi ap lende wella.

Judas 1:18

Jon penan: Glan ko tsiro, kai maro rai Jesus pale wella, wenna sawe menshe, hoi san pral o Debleskro koowa, un djiwenn jaake, har jon kamenna un krenn, hoi o Dewel gar kamella.