Sikepaskro 11:6 - O Debleskro Drom 2021 (Sinte)

⁶ Doleske tchip o djob taissarla an i phub, un muk gar tele bis an i rati. Tu djineh gar, hoi bares wella, kawa te kowa, oder hake dui.

O Debleskro Lab 2024 (Sinte-Manouche)

⁶ Doleske čip o djob taysarla an i phoub, oun mouk gar tele bis an i rati. Tou djineh gar, hoy bares vella, kava te kova, oder hake douy.

Sikepaskro 11:6 Iomraidhean Croise

Sikepaskro 11:7

Shukar hi menge, te dikas i momeli. Un mare jakentsa hi mishto, te dikenn le o kham.

Sikepaskro 9:1

Kowa halauter lom ap miro dji, te haiwap kowa: Tchatche un gosewe, un halauter hoi jon krenna, hi an o Debleskro wast. Kek djinella, wenn i wawar latches ap leste? Wenn le chojedo ap leste? Kowa lauter well diklo an ko tsiro, hoi wella.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jesaja 55:10

O brishin un o gib perenn tele dran o bolepen, un djan gar buder kote pale. Jon krenn i phub sapeno, te djal latar senlepen un djob win, jaake te well i menshen maro te chal, un djob, hoi nai witsrenn le an i phub o wawar bersh.

Hosea 10:12

Djiwenn an o tchatchepen, te well latchepen dran tumaro djipen! Krenn tumaro dji newes pre o baro Debleske, jaake har i hacho i newo kotar phub pre krell o djobeske. Kanna hi o tsiro, te rodenn man, o baro Debles. Palle wau un tchorau o latchepen pral tumende win har i brishin.

2. Korintarja 9:6

Kowa hi jaake har pash i hacho: Koon tchiwell gar bud djob an i phub, kowa lell witar gar bud dran i phub win. Un koon tchiwell bud an i phub, kowa lell bud dran i phub win.

2. Timoteo 4:2

Pen i menshenge o Debleskro lab! Kre kowa un muk gar tele, ninna te kamenn i menshe kowa gar te shunell! Sike len lengri doosh! De len trad, te mukenn le o tchilatchepen! Kre lengre djia soreles an o patsepen! Un ab gar khino, te sikress len o tchatcho drom!