Sikepaskro 11:5 - O Debleskro Drom 2021 (Sinte)

⁵ Tu djineh gar hawo drom o phurdepen djala, un har i kokale kerdo wenna an i dakro per. Jaake nai djineh tu witar gar, hoi o Dewel halauter krella, un har job halauter krella.

O Debleskro Lab 2024 (Sinte-Manouche)

⁵ Tou djineh gar havo drom o phourdepen djala, oun har i kokale kerdo venna an i dakro per. Yaake nay djineh tou vitar gar, hoy o Devel halauter krella, oun har yob halauter krella.

Sikepaskro 11:5 Iomraidhean Croise

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 38:4

Kai hals tu, har me i phub krom? Pen les mange, te djineh les tu?

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

Debleskri gili 40:5

Bachtelo hi ko mensho, kai rikrell pes ap o baro Debleste, un djal gar kolentsa, kai hi pre-phurde un chochene.

Debleskri gili 92:5

Kowa, hoi tu kral, baro Dewel, mukell man bachteles te giwell. Kowa, hoi tire wasta lauter kran, sharau me.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 1:6

O ducho tel o bolepen phurdell an jek rig, un palle rissrell lo un phurdell an i wawar rig, kai his lo.

Sikepaskro 11:4

Koon ap o phurdepen garda della, ko tchiwell kek djob an i phub, te well kowa baro. Un koon ap i wolke garda della, ko anell gar o baro djob an peskro kheer dren.

Sikepaskro 3:10

Me lom koi budi an o jak, hoi das o Dewel i menshende, kolah marenn le pen tele.

Sikepaskro 3:11

Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

Sikepaskro 7:24

Lauter, hoi koi hi, hi phares te haiwell. Un hoske kowa jaake hi, djinell kek.

Sikepaskro 8:17

Un me dikom halauter, hoi o Dewel kras. Tchatchepah, i menshe nai haiwenn gar halauter, hoi job kras ap kai phub. Ninna te rodell o mensho phares, te haiwell lo ko koowa, nai hatsell lo gar win, hoske halauter jaake hi. Un ninna o gosewo, te penell lo: “Me djinau les”, nai hatsell lo les gar win.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Johanni 3:8

O sorelo ducho, hoi phurdell pral i phub, djal, kai kamell lo. Tu shuneh les. Kai job wella, un kai job djala, djineh tu gar. Jaake hi pash koleste, kai wella dran Debleskro Ducho boldo.”

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.