Sikepaskro 10:13 - O Debleskro Drom 2021 (Sinte)

¹³ Hako lab, hoi penell lo, hi fun glanstunes bis palstunes dinelo rakepen.

O Debleskro Lab 2024 (Sinte-Manouche)

¹³ Hako lab, hoy penell lo, hi foun glanstounes bis palstounes dinelo rakepen.

Sikepaskro 10:13 Iomraidhean Croise

2. Samuel 19:41

I tsele menshe dran Juda un i paash kol menshendar dran Israel his pash o baro rajeste, har djas lo wergel o pani Jordan. Un o baro rai djas dureder an Gilgal. Un o Kimham djas leha.

2. Rajengro liil 6:27

Job penas: “Well o baro Dewel gar ap tiri rig, har nai wau me ap tiri rig? Djob un mool hi buder gar koi.

2. Rajengro liil 6:31

Un job penas: “O Debleskri choli mu well pral mande, te dau me kai diwes gar ko shero o Elisestar tele, koleskro dad o Shafat hi.”

Gosewe laba 13:16

Hakeno, kai gosewo hi, krell tchi, te rakras lo gar peskro djijeha pral kowa. I dinelo mensho dell peskro narwlepen win gole.

Gosewe laba 29:9

Te well i gosewo khetne i dineleha pash o tchatchepaskro mursheste, te well o tchatchepen wi-kerdo, palle well o dinelo diwjo un sal. Tchi dikell lo dren.

Sikepaskro 10:14

Ko dinelo krell bud laba un haiwas gar, kai kek mensho djinella, har halauter wella. Un kek nai penell leske, hoi pal leste wella.

Sikepaskro 5:2

Koneske bud an o shero trujel djal, kowa dell phare sunja. Un koon bud laba krell, rakrell sik dinelo koowa.

Sikepaskro 7:25

Palle penom mange, tu hunte rodess budeder, te hatsess win, hoske tchomone jaake hi. Jaake lom bud koowa an i jak, te haiwap len. Kamom te djinap, well o tchilatchepen dran o dinlepen un o pre-phurdepen dran narwlepen?

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Louka 11:38

Har ko Farisari dikas, te thowas o Jesus gar peskre wasta glan o chapen, har biboldengro koowa hi, kras job bare jaka.

Louka 6:11

Koi wan jon chojedo ap o Jesuseste, un rakran khetne, hoi jon o Jesuseha nai krans.

Louka 6:2

Kote his ninna Farisarja, kai penan ap lende: “Hoske krenn tumer ap o Debleskro diwes kowa, hoi hi gar pal o biboldengro tchatchepen?”

Johanni 12:10

Jaake djan bud bibolde pash o Lazareste, un patsan ap o Jesuseste. Doleske rodan kol bare rashaja i drom, har nai marenn jon ninna o Lazares.

Čačepangre 14:15

Un ap o eftato diwes penan le ap o Simsoneskri romni: “Rake shukar tiro romeha, te penell lo menge, hoi kal phare laba kamenn te penell! Te kreh kowa gar, chatchrah mer tut un tiro dadeskro kheer. Penan tumer, te was mer pash tumaro chapen, te krenn men tchorwelo?”