Sikepaskro 1:3 - O Debleskro Drom 2021 (Sinte)

³ Hoi lell o mensho peske dran peskri tseli phari budi, hoi les hi ap kai phub?

O Debleskro Lab 2024 (Sinte-Manouche)

³ Hoy lell o mensho peske dran peskri tseli phari boudi, hoy les hi ap kay phoub?

Sikepaskro 1:3 Iomraidhean Croise

Sikepaskro 2:11

Un har dikom ko tselo koowa, hoi mire wasta kran, un koi budi, hoi man koi pashel his, kote haiwom, lauter hi tchitcheske, har te nashoms pal o ducho, hoi djal pral i phub. Un tchi well win dran halauter, hoi krom an miro djipen.

Sikepaskro 2:18

Un kowa halauter, koleske man tele marom an miro djipen, hunte mukap jekeske, kai pal mande well. Doleske his mange kowa witar gar shukar.

Sikepaskro 2:19

Koon djinell, koon kowa hi, kai pal mande well, i gosewo mursh oder i dinelo mursh? Well har wella! Job well o rai pral halauter, koleske man tele marom un gosewes pre tchiwom an miro djipen. Jaake hi kowa ninna tchitcheske.

Sikepaskro 2:22

Hoi atchell o mensheske, kai pes tele budras un tele maras pash peskri budi?

Sikepaskro 3:9

Hoi well koleske win, kai krell peskri budi un marell pes tele?

Sikepaskro 4:3

Un feteder har kol dujenge hi koleske, kai was gar boldo un dikas gar ko tselo tchilatchepen, hoi well kerdo ap i phub.

Sikepaskro 4:7

Un palle dikom i wawar koowa ap i phub, hoi hi phares te haiwell.

Sikepaskro 5:16

Peskro tselo djipen mukas lo pes gar mishto te djal. Bud pharo koowa djas leske an o shero trujel un kras leske daar. Un koi pashel was nasslepen un choli an leskro djipen.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Sikepaskro 6:12

Kek djinella, hoi o mensheske mishto hi an peskro djipen, hoi jaake tikno hi. Kau diwes hi lo koi un o wawar diwes buder gar. Un koon nai penell o mensheske, hoi pal leste wella ap kai phub?

Sikepaskro 7:11

O goswepen hi jaake mishto har i brawlepen, hoi o dad peskro tchaweske mukas. Hakeneske ap kai phub hi o goswepen bud moldo.

Sikepaskro 9:13

Ninna dikom ap kai phub, hoi i gosewo kras, un kowa his mange bares:

Sikepaskro 9:3

Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

Sikepaskro 9:6

Har i menshe kaman len, un har choiran le pen pral lende, un har silweran jon ap lende, kowa lauter hi buder gar koi. Len hi tchi buder i menshentsa ap kai phub khetne, un koleha, hoi kerdo well ap kai phub.

Jesaja 55:2

Hoske denn lowe koleske, hoi kek maro hi? Hoske denn tumer kowa, hoi tumer tumari phari budjake lan, tchomoneske win, hoi gar tchalo krell? Shunenn ap mande, palle well tumen latcho koowa te chal, un nai chan tumen tchalo ap i feteder chapen.

Habakuk 2:13

O baro Dewel, ko rai pral o bolepen un i phub, krell, te well jaake: Ko tselo koowa, kai budran pen i menshe dran wawar themma temerl, kowa well i jagatar tele chatchedo. Un koleske kol menshe pen tele maran, his tchitcheske.

Habakuk 2:18

Hoi well tuke palle ap i rig? I figura dran kasht un saster, hoi i mursh peskre wastentsa kras? Kowa hi chochepen! Har nai patsell jek ap i dewel, hoi nai rakrell gar, un koles job peskre wastentsa kras?

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

1. Korintarja 16:16

shunenn ap kolende un ap sawende har jon, kai budrenn o Debleske pengri tseli sorjah!