Sikepaskro 1:17 - O Debleskro Drom 2021 (Sinte)

¹⁷ Miri tseli djijeskri sorjah kamom te hatsap win, hoi tchatchepah goswepen hi, un hoi dinelo un narwelo hi. Un kote hatsom win, kai kowa jaake hi, har te nashoms pal o ducho, hoi djal pral i phub.

O Debleskro Lab 2024 (Sinte-Manouche)

¹⁷ Miri tseli djiyeskri zoryah kamom te hatsap vin, hoy čačepah gosvepen hi, oun hoy dinelo oun narvelo hi. Oun kote hatsom vin, kay kova yaake hi, har te nashoms pal o dourho, hoy djal pral i phoub.

Sikepaskro 1:17 Iomraidhean Croise

Debleskri gili 73:16

Koi lom mange tsiro, te nai haiwap kawa, un phares his kowa an mire jaka,

Sikepaskro 12:8

Halauter hi tchitcheske, penell o sikepaskro, tchitcheske hi halauter.

Sikepaskro 2:17

Kote his mange miro djipen buder gar shukar. Kowa, hoi i menshe krenna ap kai phub, hi tchitcheske. Halauter hi tchitcheske, un jaake har te nashals jek pal o ducho, hoi djal pral i phub.

Sikepaskro 2:3

An miro rodepen pal o goswepen rakrom miro djijeha, un penom mange: Pi tuke i mool, te wess bachtelo. Un jaake har i dinelo wom mato. Koi putchom mandar: Hi sawo koowa mishto o mensheske an peskro tikno djipen?

Sikepaskro 3:19

O mensheske djal har o viecheske: I vieche merenna, jaake merenn ninna i menshe. Un len halauter hi i ducho. Un o menshes hi tchi glan-wi glan o viecho. Tchatchepah, kowa hi phares te haiwell.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Sikepaskro 4:6

Feteder i wast pherdo djipaske un tsirja, kai kreh tchi, har dui wasta pherdo djipaske un bud budi un i naashepen pal o ducho, hoi djal pral i phub.

Sikepaskro 6:9

Well penlo: Feteder hi te dikas ap kowa, hoi men hi, har te nashas wawar koowa palla. Kowa hi ninna tchitcheske, un jaake har te nashams pal o ducho, hoi djal pral i phub.

Sikepaskro 8:16

Me kamom win te hatsell, har te nai wau gosewo, un lom halauter an o jak, hoi i menshe ap kai phub krenna. Diwes un rati nai sowom gar.

Sikepaskro 9:3

Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

1. Tessalonikarja 5:21

Denn jak, te well ko lab, hoi job penas, tchatchepah o Deblestar! Un rikrenn kowa, hoi mishto hi!