Sikepaskro 1:13 - O Debleskro Drom 2021 (Sinte)

¹³ Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

O Debleskro Lab 2024 (Sinte-Manouche)

¹³ Miri tseli djiyeskri zoryah oun gosvepah rodom, te hayvap o tselo koova, hoy ap i phoub halauter kerdo vella. Havo pharepen das o Devel i menshende, te marenn le pen tele koleha.

Sikepaskro 1:13 Iomraidhean Croise

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Hiob 28:3

O mensho lell i momeli peha, te nai budrell lo tel i phub, un rodell kote an i barra, jaake dur har djala, pal kowa, hoi khatedo hi an o tamlepen.

Debleskri gili 111:2

Baro hi kowa, hoi o baro Dewel lauter kras. Koneske kowa an o shero trujel djal, kowa well bachtelo.

Gosewe laba 18:1

Koon pes i wawarendar krik rikrella, rodell, hoi peske kokres shukar hi, un kamell gar dren te dikell, hoi latcho leske wals.

Gosewe laba 18:15

I gosewo mensho kamell bud te djinell, un krell peskre kanda pre, te haiwell lo, hoi tchatcho hi.

Gosewe laba 23:26

Miro tchawo, kre tiro dji mange pre, un dja ap mire dromma!

Gosewe laba 25:2

O Dewel well sharedo koleske, hoi job khatedo rikrell. O baro rai well sharedo koleske, hoi job pre tchakrell.

Gosewe laba 4:7

O feteder koowa, hoi nai leh, hi o goswepen. Doleske kre lauter, te less les!

Sikepaskro 1:17

Miri tseli djijeskri sorjah kamom te hatsap win, hoi tchatchepah goswepen hi, un hoi dinelo un narwelo hi. Un kote hatsom win, kai kowa jaake hi, har te nashoms pal o ducho, hoi djal pral i phub.

Sikepaskro 11:5

Tu djineh gar hawo drom o phurdepen djala, un har i kokale kerdo wenna an i dakro per. Jaake nai djineh tu witar gar, hoi o Dewel halauter krella, un har job halauter krella.

Sikepaskro 12:12

Miro tchawo, koi hi i wawar koowa, hoi hunte djiness: Jek, kai kamell lila te tchinell, las pes bud phari budi glan. Un jek, kai kamell bud te haiwell un te djinell, well khino.

Sikepaskro 2:23

Leskro tselo djipen hi pherde duka, un leskro budepen pherdo ropen. Ninna an i rati nai sowell lo gar. Kowa hi ninna tchitcheske.

Sikepaskro 2:26

Kol menshe, kai djiwenn jaake har glan o Debleste mishto hi, kolla lenna lestar goswepen un bacht an o dji. Kolla, kai djan o Debleskro dromestar tele, kolen mukell lo te budrell un brawlepen khetne anell, hoi pal i tsiro i wawareske well, jekeske, kai djiwell jaake har glan o Debleste mishto hi. Palle his leskri tseli budi tchitcheske, un jaake har te nashals lo pal o ducho, hoi djal pral i phub.

Sikepaskro 3:10

Me lom koi budi an o jak, hoi das o Dewel i menshende, kolah marenn le pen tele.

Sikepaskro 3:11

Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Sikepaskro 7:25

Palle penom mange, tu hunte rodess budeder, te hatsess win, hoske tchomone jaake hi. Jaake lom bud koowa an i jak, te haiwap len. Kamom te djinap, well o tchilatchepen dran o dinlepen un o pre-phurdepen dran narwlepen?

Sikepaskro 8:9

Kowa halauter dikom, un lom halauter an o jak, hoi well kerdo ap kai phub, kai hadell pes jek pral o wawareste un krell les bibachtelo.

1. Timoteo 4:15

Kre kowa lauter tiro tselo djijeha un tiri tseli sorjah, te dikell hakeno, kai tiro patsepen bareder wella!