Ruth 4:11 - O Debleskro Drom 2021 (Sinte)

¹¹ Un i tsele mursha un phureder, kai pash o foreskro wudar his, penan: “Mer dikam kowa un djinah, jaake hi kowa. O baro Dewel krell, te well koi djuwel, kai an tiro kheer weh, har i Rachel un har i Lea. Kol dui djuwjendar was o tselo kheer Israel. Un tu wess brawelo mank tire menshende Efrat, un tiro lab well sharedo an o foro Betlehem!

O Debleskro Lab 2024 (Sinte-Manouche)

¹¹ Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!

Ruth 4:11 Iomraidhean Croise

1. Mose 23:10

O Hetari Efron his mank peskre menshende beshdo. Un job penas ap o Abrahameste glan kolende, kai pashel his, glan hakeneste, kai an o baro wudar o forestar his:

1. Mose 24:60

Un jon rakran i bacht pral late win un penan: “Tu, mari pheen, tutar te wenna bud serja menshe: serja kope deesh-serja! Mu wenn tire tchawe rai pral kolende, kai kurenn pen lentsa, te lenn le kolengre forja krik!”

1. Mose 29:16

O Labanes his dui tcha. Koi phureder kharas Lea, koi terneder Rachel.

1. Mose 29:25

Taissarlakro dikas o Jakob, kai joi his i Lea. Koi penas lo ap o Laban: “Hoske kral kowa? Budrom tuke, te lap i Rachel. Hoske chochral man tu?”

1. Mose 29:32

Un i Lea was an wawar koowa un anas i tchawes ap i phub. Koles das joi ko lab Ruben un penas: “O baro Dewel dikas miri bibacht. Tchatchepah, kanna kamell man miro rom.”

1. Mose 35:23

I tchawe, kolen i Lea ap i phub anas his o Ruben, ko phureder tchawo o Jakobestar. Pal leste was o Simeon, o Levi, o Juda, o Issachar un o Sebulon.

1. Mose 35:24

I tchawe, kolen i Rachel ap i phub anas his o Josef un o Benjamin.

1. Rajengro liil 21:8

Palle tchinas joi lila an o Ahabeskro lab, tchiwas i sikepen koi pre, hoi sikras, te wan kal lila o Ahabestar, un bitchras len ap i phurende un pralstunende, kai khetne o Naboteha an o foro Jesreel djiwan.

Debleskri gili 132:6

Har hams an Efrata, shunam kai o sonakaskro mochton hi, ko sikepen, kai o Dewel khere hi. Kowa hatsam mer pash o foro Jaar.

Gosewe laba 14:1

I gosewi djuwel krell, te well lakro kheer soreles tardo. I dineli djuwel phagell les peskre wastentsa tele.

Gosewe laba 31:23

Lakro rom hi an-diklo an o foro, te rakrell lo pes tele i phurentsa.

Jeremia 32:10

Un me tchinom i ginepaskro liil, un tchinom les jek kopo tele. Un ko jek liil pandom, un tchiwom miro sikepen koi pre, un lom mange murshen pashel, kai dikan halauter, un tchiwom kol lowe ap i waga, te well kowa lauter pal o tchatchepen kerdo. Un me lom ko pandlo ginepaskro liil, un ko liil, hoi gar pandlo hi,

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Mateo 2:6

Tu, o foro Betlehem, hoi an o them Judea tchiddo hi, tut hi i baro lab mashkral i tsele forja an o them Judea. Dran tute wella ko baro rai, kai ap mire menshende, o Israel, garda della, jaake har i bakrengro rai garda della ap peskre bakre.”

5. Mose 25:7

Te kamell ko phraal koi djuwjat gar te romedinerell, palle djal li pash i phureder murshende an o foro, un penell ap lende: O phraal miro romestar, kai meras, kamell man gar te romedinerell, jaake te merell o lab miro romestar an i Israel gar win.

5. Mose 25:9

palle stakrell koi djuwel glan leste, un glan i jaka kol phureder murshendar riwell li leske jek kircha win. Un tchungrell leske an o mui, un penell: “Jaake hunte well kerdo ko mursheske, kai kamell gar peskro phraleste i tchawes te dell.”

Ruth 1:2

Leskro lab his Elimelech. Un leskri romni kharas Naomi. Un leskre dui tchawe kharan Machlon un Kiljon. Un jon his dran i familja Efrat dran Betlehem an o them Juda. Un jon wan an o them Moab un atchan koi.