Ruth 4:1 - O Debleskro Drom 2021 (Sinte)

¹ Un o Boas djas pre pash o foreskro wudar, kai i mursha khetne wenn, un beshas pes koi. Kote was ko wawar mursh, kai lake ninna koi hunte wals, kolestar o Boas rakras. Un o Boas penas ap leste: “Ab kai pash mande, un besh tut pash mande!” Un job was un beshas pes pash leste.

O Debleskro Lab 2024 (Sinte-Manouche)

¹ Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.

Ruth 4:1 Iomraidhean Croise

1. Mose 19:1

Har i rati was, wan i dui bolepangre an o foro Sodom. Koi his o Lot an o baro wudar ko forestar beshdo. Har o Lot len dikas, stas lo pre, djas pash lende un mukas pes glan lende ap i phub te perell.

1. Mose 23:10

O Hetari Efron his mank peskre menshende beshdo. Un job penas ap o Abrahameste glan kolende, kai pashel his, glan hakeneste, kai an o baro wudar o forestar his:

1. Mose 34:20

Un o Hamor un leskro tchawo Sichem djan an o baro wudar lengro forestar, te rakrenn le i murshentsa an ko foro un penan ap lende: “Kal mursha kamenn kek tchingepen mentsa. Doleske mu atchenn le an kau them, te djan le trujel parepaske. Hi doha platsa koi. Un mer kamah lengre tchen te romedinerell. Un mer dah len mare tchen.

2. Samuel 15:2

Ninna djas o Absalom taissarlake ap o drom, un was pash o foreskro wudar. Un te his jekes tchingepen i wawareha un doleske pash o baro rajeste djas, te rakrell job o tchatchepen pral lende win, palle das o Absalom les pash peste gole, un putchas: “Dran hawo foro hal tu?” Un te penas kowa: “Tiro budepaskro hi kalla un kolla menshendar dran Israel”,

2. Familjakro liil 18:9

Un o baro rai pral Israel un o Josafat, ko baro rai pral o them Juda, his beshdo hakeno ap peskri beshepaskri, an-rido an i rajeskri plaashka, ap koi platsa glan o foreskro wudar o forestar Samaria. Un i tsele dikepangre his tardo glan lende, un penan, hoi wella.

Hiob 29:7

Har djom me pre an o foreskro baro wudar, un beshom man pash i pralstunende,

Hiob 31:21

An kek tsiro hadom me miro wast pre ap i tchaweste, koles kek dad buder hi, ninna te djinom, te hi halauter ap miri rig, kai his an o foreskro wudar beshdo.

Debleskri gili 69:12

Har riwom i gono an, te sikrap har pharo miro dji hi, kran le i sapaskri gili pral mande.

Gosewe laba 31:23

Lakro rom hi an-diklo an o foro, te rakrell lo pes tele i phurentsa.

Jesaja 55:1

Awenn pash o pani, tumer kolen trush hi! Un tumer, kai tumen kek lowe hi, awenn un ginenn un chan! Awenn un ginenn kek lowentsa un lenn tchitcheske mool un thud!

Jeremia 32:10

Un me tchinom i ginepaskro liil, un tchinom les jek kopo tele. Un ko jek liil pandom, un tchiwom miro sikepen koi pre, un lom mange murshen pashel, kai dikan halauter, un tchiwom kol lowe ap i waga, te well kowa lauter pal o tchatchepen kerdo. Un me lom ko pandlo ginepaskro liil, un ko liil, hoi gar pandlo hi,

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Zakarie 2:6

Un me putchom lestar: “Kai djah tu?” Job penas: “Kamau te dikap pal, har baro un buchlo o foro Jerusalem hi.”

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

5. Mose 17:5

palle lenn ko murshes oder koi djuwjat, un anenn len win glan tumaro foro, un witsrenn barra ap lende bis te hi le mulo.

5. Mose 21:19

palle hunte anenn o dad un i dai les pash i phurende an ko foro ap i platsa, kai wenn le khetne.

5. Mose 25:7

Te kamell ko phraal koi djuwjat gar te romedinerell, palle djal li pash i phureder murshende an o foro, un penell ap lende: O phraal miro romestar, kai meras, kamell man gar te romedinerell, jaake te merell o lab miro romestar an i Israel gar win.

Josua 20:4

Koon pash sau foro nashell, hunte atchell tardo glan o foreskro wudar un anell leskro koowa glan i phurende an kau foro. Un kolla lenn les palle an o foro pash pende pre, te nai djiwell lo pash lende.

Ruth 3:12

Un tuke hi tchatcho, te hom me jek tire menshendar, kai tuke koi hunte well. Ninna te hi jaake, djiness, te dell i wawar mursh mire menshendar, – kowa well glan mande.

Ruth 3:18

I Naomi penas ap late: “Atch khere, miri tchai, bis te tu djineh, har kawa win djas. Kau mursh dell gar buder palla, bis te kawa kau diwes gomme lauter kerdo hi.”