Ruth 2:4 - O Debleskro Drom 2021 (Sinte)

⁴ Pal i tsiro was o Boas dran o foro Betlehem un penas ap peskre budepangre, kai o djob tchinenn: “O baro Dewel well tumentsa!” Un jon penan ap leste: “O baro Dewel dell tut peskri bacht!”

O Debleskro Lab 2024 (Sinte-Manouche)

⁴ Pal i tsiro vas o Boas dran o foro Betlehem oun penas ap peskre boudepangre, kay o djob činenn: “O baro Devel vell t'mentsa!” Oun yon penan ap leste: “O baro Devel dell tout peskri barht!”

Ruth 2:4 Iomraidhean Croise

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

Debleskri gili 118:26

Sharedo well kowa, kai well an o baro Debleskro lab. Kate, dran o Debleskro kheer rakrah o Debleskri bacht pral tumende win.

Debleskri gili 134:3

O baro Dewel, kai o bolepen un i phub kras, hi khere ap i berga Zion. Fun kotar mu tchiwell lo peskri bacht ap tute!

Jeremia 31:23

Kowa penell o baro Dewel, ko rai pral o bolepen un i phub, kai o Israeleskro Dewel hi: “An ko tsiro, kai anau len pale dran kol themma, kai jon pandle his, penenn i menshe dran i forja an o them Juda: O baro Dewel mu tchiwell peskri bacht ap tute, tu them, kai o tchatchepen khere hi, un o Dewel ap peskri berga djiwell.

4. Mose 6:24

Mu dell tut o baro Dewel bacht un soor, un dell garda ap tute!

Louka 1:28

Un o Gabrijel was pash late an o kheer un penas: “Latcho diwes, Maria! O Dewel hi tuha! Job dikas latches ap tute.”

2. Tessalonikarja 3:16

Maro rai Jesus, kolestar wella i tseli bacht, kolestar mangau, te dell lo tumen hako tsiro peskri bacht an o dji, kote, kai tumer han. Maro rai Jesus djal tumentsa lauterentsa!

1. Timoteo 6:2

Kol budepangre, kai hi len patsle raja, hunte dikenn gar tele ap pengre rajende. Na-a, jon hunte budrenn latcheder lenge. Kolla hi lengre phrala. Un o Dewel kamell len o djijestar. Un jon krenn ninna latcho koowa. Kowa pen i patslenge an o dji, te krenn le les!

2. Timoteo 4:22

Maro rai Jesus hi tuha! Leskro latchepen djal tumentsa!

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

Čačepangre 6:12

Kote sikras pes ko baro Debleskro bolepaskro leske, un penas ap leste: “O baro Dewel hi tuha, tu tchatcho mursh un kurepaskro!”

Čačepangre 6:16

Kote penas o baro Dewel ap leste: “Me djau tuha, un tu mareh i Midianarja, har te wans le jek mursh.”

Ruth 2:3

Koi djas li win, kolenge palla, kai o djob tchinenn, un hadas djob pre ap i hachetikri phub. Un kowa was jaake, kai kau kotar phub o Boases his, ko murshes dran o Elimelecheskri familja.

Ruth 2:5

Un o Boas putchas o pralstunestar mank i budepangre: “Hawe menshendar hi koi terni djuwel?”

Ruth 4:11

Un i tsele mursha un phureder, kai pash o foreskro wudar his, penan: “Mer dikam kowa un djinah, jaake hi kowa. O baro Dewel krell, te well koi djuwel, kai an tiro kheer weh, har i Rachel un har i Lea. Kol dui djuwjendar was o tselo kheer Israel. Un tu wess brawelo mank tire menshende Efrat, un tiro lab well sharedo an o foro Betlehem!

1. Samuel 17:37

Un pale penas o David: “O baro Dewel, kai las man win dran o leweskre mussja un dran o bereskre mussja, kowa lell man ninna win dran i wasta kau Filistarestar.” Un o Saul penas ap o David: “Dja koi, o baro Dewel djal tuha!”