Ruth 1:6 - O Debleskro Drom 2021 (Sinte)

⁶ Un joi shunas, te kras o baro Dewel peskro dji pre peskre menshenge an o them Juda, un das len maro. Koi las li peskro koowa khetne, te djal li peskre tchawengre romjentsa dran o them Moab pale pale.

O Debleskro Lab 2024 (Sinte-Manouche)

⁶ Oun yoy shounas, te kras o baro Devel peskro dji pre peskre menshenge an o them Youda, oun das len maro. Koy las li peskro koova khetne, te djal li peskre čavengre romyentsa dran o them Moab pale pale.

Ruth 1:6 Iomraidhean Croise

1. Mose 21:1

Un o baro Dewel bistras i Sara gar. Un job rikras peskro lab.

1. Mose 28:20

Un o Jakob das pes sowel un penas: “Hi o baro Dewel mantsa un dell garda ap mande ap miro drom, kai me djau, un dell man chapaske un an-ripaske,

1. Mose 48:15

Un job rakras o Debleskri bacht win pral o Josefeste un penas: Ko Dewel, kai djas miro papo Abraham un miro dad Isaak ap leskro drom, ko Dewel, kai das garda ap mande bis kau diwes, har dell garda i bakrengro ap peskre bakre,

1. Mose 50:25

Un o Josef kamas te denn pen o Israeleskre tchawe sowel un penas ap lende: “Te anell o Dewel tumen khere, lenn man tumentsa!” Un jon dan pen sowel glan leste.

Debleskri gili 102:14

Ste pre un ab pale kamles ap i menshende an o foro Zion. O tsiro was, te less lengri doosh lendar krik. Kanna hi o tchatcho tsiro kai.

Debleskri gili 111:5

Chapen dell lo kolen, kai djiwenn leha. An kek tsiro bistrell lo ko lab, hoi das lo lengre phurende.

Debleskri gili 132:15

Me dau i menshen an o foro Jerusalem lauter, hoi len hunte well djipaske. Ninna i tchorwelende, kai kote djiwenn, dau doha chapen.

Debleskri gili 145:15

Menshe un vieche denn jak ap tute, te dess len pengro chapen ap o tchatcho tsiro.

Debleskri gili 146:7

un kolen pengro tchatchepen dell, kai tele rikedo wenn. Kolen, kai bokenn, dell lo te chal. O baro Dewel hi kowa, kai i stilde win lell dran o stilepen.

Debleskri gili 147:14

Kek kurepen well an tumaro them, un o latcheder djob dell lo tumen te chal.

2. Mose 3:16

Dja kanna an o them Egiptia, un de i phureden i menshendar Israel khetne gole, un pen ap lende: ‘O baro Dewel, ko Dewel tumare phure dadendar, mukas pes te dikell glan mande. Job hi o Dewel, koles o Abraham, o Isaak un o Jakob an-mangan. Un job penas ap mande: Me dom ap lauter jak, hoi jon tumentsa an o them Egiptia kran.

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

Gosewe laba 30:8

Rike man pale, te chochap! Un ma kre, te wap tchorwelo un witar gar, te wap brawelo. De man kokres, hoi man hunte well o djipaske.

Jesaja 55:10

O brishin un o gib perenn tele dran o bolepen, un djan gar buder kote pale. Jon krenn i phub sapeno, te djal latar senlepen un djob win, jaake te well i menshen maro te chal, un djob, hoi nai witsrenn le an i phub o wawar bersh.

Jeremia 29:10

Kowa penell o baro Dewel: Ap ko tsiro, kai hi i Babilonarja efta-deesh bersha i raja pral tumende, dikau me pale ap tumende, te rikrap miro latcho lab un anau tumen pale khere.

Joel 2:19

Job penell lenge: Tchatchepah, me bitchrau tumen djob, mool un djet jaake bud, te nai chan tumen tchalo. Un i menshe dran wawar themma nai praassenn tumen buder gar.

Zefanja 2:7

Kau kotar them pash o baro pani well kolende dino, kai atchan djido dran o kheer Juda. Jon mukenn pengre bakre kote te chal. Un rati sowenn le an kol khera an o foro Ashkelon. Awa, lengro baro Dewel krell peskro dji lenge pre, un anell len dran lengro pandepen pale win.

Mateo 6:11

De men maro maro hako diwes!

Louka 1:68

“Sharas o baro Debles! Job hi o Israeleskro Dewel! Job was pash mende, un las men dran mari bibacht win.

Louka 19:44

Un jon marenn tumare menshen, un denn tumare tchawen an ko foro mulo. Mo Dewel kamas tumen peskro latchepen te sikrell. Un tumer kaman gar te krenn tumaro dji leske pre. Doleske atchell kek bar ap ko wawar an kau foro.”

1. Timoteo 6:8

Te hi men chapaske un ripaske, hi menge kowa doha.

1. Petro 2:12

Tumer djiwenn mank i menshende, kai o Debles gar prindjrenna. Doleske djiwenn jaake, te hatsenn le kek tchilatchepen ap tumende! Un kolla, kai rakrenna djungeles pral tumende, kolla hunte dikenn o latcho koowa ap tumende, jaake te sharenn le o Debles ap ko diwes, kai job wella.

Ruth 1:5

koi meran ninna o Machlon un o Kiljon. Un koi djuwel atchas kokres pale, lat his buder kek tchawen un buder kek romes.

Ruth 1:7

Un joi djas peske dran o gab, kai le jek tsiro djiwan. Un lakre dui tchawengre romja djan lah. Un ap o drom pale an o them Juda,

1. Samuel 2:21

Un o baro Dewel dikas latches ap i Hanna, un joi was wawartchandes, un las gomme triin mursh tchawe, un dui tcha. Un o Samuel atchas pash o baro Debleste un was an leskro kheer bares.