Ruth 1:2 - O Debleskro Drom 2021 (Sinte)

² Leskro lab his Elimelech. Un leskri romni kharas Naomi. Un leskre dui tchawe kharan Machlon un Kiljon. Un jon his dran i familja Efrat dran Betlehem an o them Juda. Un jon wan an o them Moab un atchan koi.

O Debleskro Lab 2024 (Sinte-Manouche)

² Leskro lab his Elimelek. Oun leskri romni kharas Naomi. Oun leskre douy čave kharan Malon oun Kilyon. Oun yon his dran i familya Efrat dran Betlehem an o them Youda. Oun yon van an o them Moab oun ačan koy.

Ruth 1:2 Iomraidhean Croise

1. Mose 35:19

Un i Rachel meras un was paskedo ap o drom pash o foro Efrata. Kowa hi kanna Betlehem.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Čačepangre 17:7

An ko tsiro djiwas i terno mursh i menshendar Juda an o foro Betlehem an o them Juda. Un kowa his i Levitari.

Čačepangre 3:30

Un jaake his i Israelitarja ap kau diwes sorleder har i Moabarja. Un 80 (ochta-deesh) bersha his kek kurepen an o them.

Ruth 1:3

Kote meras o Elimelech. Un leskri romni Naomi atchas kokres pale peskre dui tchawentsa.

Ruth 1:5

koi meran ninna o Machlon un o Kiljon. Un koi djuwel atchas kokres pale, lat his buder kek tchawen un buder kek romes.

Ruth 2:1

Koi his i mursh, leskro lab his Boas. Kowa his i menshendar i Naomjakro romestar Elimelech, un his i an-diklo mursh.

Ruth 4:9

Kote penas o Boas ap i phureden un ap i tsele menshende, kai koi pashel his: “Tumer shunan un dikan, te ginom me kau diwes i Naomjatar lauter, hoi his o Elimeleches un leskre tchawen, o Kiljon un o Machlon.

1. Samuel 1:1

His i mursh i menshendar Efrajim. Kowa djiwas an o foro Ramatajim-Zofim an o pralstuno them Efrajim. Leskro lab his Elkana. Koleskro dad his o Jeroham, koleskro dad his o Elihu, koleskro dad his o Tohu, un koleskro dad his o Zuf.

1. Samuel 17:12

O David his o tchawo ko murshestar Isai dran o kheer Efrat, kai djiwas an o foro Betlehem an o them Juda. Koles his ochta mursh tchawe. Un an ko tsiro, har his o Saul o baro rai, his o Isai i phuro mursh.

1. Samuel 17:21

Un o Israel un i Filistarja tchiwan pen tardo o marepaske, jek rig wergel koi wawar.