Nehemia 9:34 - O Debleskro Drom 2021 (Sinte)

³⁴ Mare bare raja un pralstune, mare rashaja un phure, kolla djan gar ap tiro drom, un shunan gar tire laba, hoi sikrenn, har te djiwenn le.

O Debleskro Lab 2024 (Sinte-Manouche)

³⁴ Mare bare raya oun pralstoune, mare rashaya oun phoure, kolla djan gar ap tiro drom, oun shounan gar tire laba, hoy sikrenn, har te djivenn le.

Nehemia 9:34 Iomraidhean Croise

2. Rajengro liil 17:13

Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

2. Familjakro liil 29:6

Mare phure mukan o baro Debleskro drom, un kran, hoi glan i jaka maro Deblestar gar mishto hi, un djiwan buder gar leha, un sikran leske un leskro khereske o dumo.

Esra 9:10

Un kanna, maro Dewel, hoi te penas pal kau tselo koowa? Mer djiwam gar pal tire laba,

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Nehemia 9:35

Un an ko tsiro, har his mare phure i raja an ko them, hoi tu len dal, mangan le tut gar an. An tiro latchepen dal tu len i buchlo un brawelo them. Un jon mukan gar pengro tchilatcho drom.

Jeremia 29:19

Kowa well pral lende doleske, kai shunan le gar ap kol laba, hoi mire rakepangre lenge pale te pale penan. Jon kaman gar te shunell, penell o baro Dewel.

Jeremia 44:17

Mer kamah kowa te rikrell, hoi mer penam, un koi bolepaskri rajetsake sungepaskro koowa te chatchrell, un lake mool win tchorell. Kowa kram mer, un kran mare phure, mare bare raja un pralstune an i forja o themestar Juda un an i dromma o forestar Jerusalem. Har kowa kram, his men ninna doha maro, un menge djas mishto, un mer dikam kek bibacht.

Jeremia 44:4

Un me bitchrom lenge pale te pale mire rakepangre, kai mange budran, un mukom lenge te penell: “Ma krenn sau djungelo koowa, kai man sorjah choirenna!”

Ezekiel 5:6

I menshe an Jerusalem mukan pen tchi mandar te penell, un shunan gar ap mande. Jon wan tchilatcheder har kol themma, kai trul lende hi. Mire tchatchepaskre laba witsran le pal pende, un djiwan gar jaake har lendar kamom.

Daniel 9:6

Un mer shunam witar gar ap tire budepangre, kol rakepangre, kai rakran tuke ap mare rajende, pralstunende, phurende un ap mare tsele menshende.

5. Mose 31:21

Palle well bud bibacht un djungelo koowa pral lende. Un jon giwenn koi gili. un koja well gar bistedo lengre tchawendar, un sikrell lende, kai dom len trad, hoi wella, te mukenn le miro drom. Glan te anom len an ko them, koleske me man sowel dom, te anau len koi, prindjrau ko koowa, hoi lenge an o shero trujel djal.”