Nehemia 9:30 - O Debleskro Drom 2021 (Sinte)

³⁰ Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

O Debleskro Lab 2024 (Sinte-Manouche)

³⁰ Oun tout his yaake boud lačepen lenge kol tsele bersha. Oun dal len trad kol labentsa, hoy tire rakepangre lenge penan, kay an lende tiro dourho hi. Yon shounan gar koy pre. Kote dal len tou an o vast kol menshendar dran vavar themma.

Nehemia 9:30 Iomraidhean Croise

2. Rajengro liil 18:11

Un o baro rai pral o them Assur mukas i menshen dran Israel krik te anell an o them Assur, un mukas len te djiwell an o them Halach un pash o pani Habor an o them Gosan, un an i forja, kai i Medarja djiwenn.

2. Rajengro liil 21:10

Kote rakras o baro Dewel ap leskre budepangre, kai leskre rakepangre hi. Un kolla penan leskre laba i menshenge dureder. Job penas:

2. Familjakro liil 24:19

Un o baro Dewel bitchras peskre rakepangren pash lende, te wenn le pale pale pash o baro Debleste. Ninna te dan kolla len trad, shunan i menshe gar ap lende.

Esra 9:10

Un kanna, maro Dewel, hoi te penas pal kau tselo koowa? Mer djiwam gar pal tire laba,

Nehemia 9:20

An tiro latchepen penal lenge, hoi te krenn le. Un tiro maro dran o bolepen dal len chapaske, ninna pani, har len trush his.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Nehemia 9:29

Un tu dal len trad, te aness len pale pale ap tiro drom. Jon his pre-phurdo un shunan gar ap tire laba, un djiwan gar pal tire tchatchepaskre laba, kolendar tu penal: Koon len rikrell, djiwell. Un jon sikran tuke pengro dumo, un pandan pengre djia, un shunan gar ap tute.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

Debleskri gili 95:10

Star-deesh bersha was mange djungeles, te dikom ap kol menshende, un penom: “Kalla hi menshe, kai peran ap pengre sherja un djinenn gar, hoi tchatcho hi. Ap miro drom kamenn le gar te djal.”

Jesaja 28:10

Tchatchepah, lauter hoi lo rakrell, hi laba, hoi haiwell kek, hi sau koowa, har i ternepen rakrell: ba-ba-ba, ma-ma-ma.”

Jesaja 42:24

Koon his kowa, kai mukas o Jakobes win te randell, un das o Israeles i tchorepangren an i wasta? His kowa gar o baro Dewel? Job hi, koleske o dumo sikram un leskro drom gar djam, un ap leskre laba gar shunam.

Jesaja 48:9

Miri bari choli rikrau pale, te well gar djungeles rakedo pral miro lab. Un lau man phares khetne, te well miro lab gar tiknes kerdo, un te mukap tumen gar mulo te dell.

Jesaja 63:10

Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Jeremia 25:4

Bud kope bitchras o baro Dewel leskre rakepangre, kai leske budran. Tumer kaman gar ap lende te shunell, un kran tumare kanda pandlo, un dan kek garda ap lengre laba.

Jeremia 44:22

un job nai dikas buder gar, har djan ap tumaro tchilatcho drom un kran sawo djungelo koowa! Doleske was tumaro them i mulo them. I menshe, kai shunenn kolestar, denn i wasta pral o shero khetne. Un te kamenn le jekes te praassell, penenn le: Mu djal tuke har o themeske Juda! Kek mensho djiwell buder koi. Jaake hi kowa kau diwes!

Jeremia 44:4

Un me bitchrom lenge pale te pale mire rakepangre, kai mange budran, un mukom lenge te penell: “Ma krenn sau djungelo koowa, kai man sorjah choirenna!”

Jeremia 44:5

Jon shunan gar, un dan gar jak ap mire laba, un mukan gar pengro tchilatchepen, un mukan gar tele te chatchrenn le sungepaskro koowa kol wawar deblenge.

Jeremia 7:25

Fun ko diwes, har me tumare phuren dran Egiptia anom bis kai diwes, bitchrom pale te pale mire budepangren pash tumende, kol rakepangren, kai mire laba dureder penan.

Ropaskre gilja 2:17

O baro Dewel kras, hoi lo peske glan las. Un kras kowa, har lo menge glan i rah tsiro trad das. Les khaital tu gar, har mukas lo tut khetne te dell, un kolen, kai ap tute djan, i sorleder te well. Har tu peral, nai san le.

Daniel 9:6

Un mer shunam witar gar ap tire budepangre, kol rakepangre, kai rakran tuke ap mare rajende, pralstunende, phurende un ap mare tsele menshende.

Zakarie 7:12

Lengre djia kran le har bar, te shunenn le gar ap mire laba, hoi sikrenn har te djan le miro drom. Kal laba penan lenge mire rakepangre, kai djiwan glan bud bersha. Doleske was miri bari choli ap lende.

Zakarie 7:13

Un djas jaake: Jon shunan gar, hoi lenge penlo was. Doleske kamom witar gar te shunell, har jon gole dan, penas o baro Dewel, ko rai pral o bolepen un i phub.

4. Mose 11:26

Koi his dui mursha pash i plachtene khera, ko jek kharas Eldad, ko wawar Medad. Lengre laba his ninna pre-tchinlo an ko liil, kai i efta-desha phureder dren tchinlo hi. Jon atchan pash i plachtene khera un djan gar win pash o Debleskro kheer. Un o Debleskro ducho was ninna pral lende. Un ap i platsa mank i khera kharan le laba win har kol Debleskre rakepangre.

Bičepangre 13:18

Star-deesh bersha rikras len o Dewel an o mulo them ap o djipen.

Bičepangre 28:25

Jon tchingran pral kowa, hoi o Paulo penas, un djan penge, har o Paulo kau lab penas: “Me dikau, kai kowa tchatcho hi, hoi o Debleskro Ducho ap o Jesaja penas, te penell job kowa mare phurenge. O Debleskro Ducho penas:

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

Remarja 2:4

Hi tuke o Debleskro baro latchepen tchi moldo? Les hi i baro dji un dell i menshen gar sik pre. Djineh tu gar o Debleskro latchepen, hoi kamell tut ap leskro drom te anell?

1. Petro 1:11

Jon kaman ninna ko tsiro te djinell, kai kowa wella. O Jesuseskro Ducho his an lende. Un kowa sikras len kol duka, hoi wenna pral o Jesuseste, un ko railepen, hoi lell lo pal kowa.

2. Petro 1:21

An kek tsiro was o Debleskro lab i menshendar. Kol Debleskre rakepangre rakran, hoi o Dewel lenge penas. Kowa tchiwas lenge o Debleskro Ducho an o dji.

2. Petro 3:9

Hi menshe, kai penenna: “O rai Jesus lell pes bud tsiro, te well lo pale.” Kowa hi gar tchatcho. Les hi i baro dji tumenge, un kamell, te djal kek tumendar nashedo. Job kamella, te mukell hakeno peskro tchilatcho drom un well ap o Debleskro drom.