Nehemia 9:22 - O Debleskro Drom 2021 (Sinte)

²² Un dal rajengre themma un wawar menshen an lengre wasta; jek them pal o wawar dal tu len. Jaake lan le o them Heshbon dren, kai o Sihon o baro rai his, ninna o them Bashan, kai o Og o baro rai his.

O Debleskro Lab 2024 (Sinte-Manouche)

²² Oun dal rayengre themma oun vavar menshen an lengre vasta; yek them pal o vavar dal tou len. Yaake lan le o them Heshbon dren, kay o Sihon o baro ray his, ninna o them Bashan, kay o Og o baro ray his.

Nehemia 9:22 Iomraidhean Croise

Debleskri gili 105:44

Job das len o them wawar menshendar, un halauter, hoi kolen his, das lo lende, te well kowa lengro.

Debleskri gili 78:65

Koi stas o baro Dewel pre, har jek, kai sowas un pre djangras. Sorelo his lo har jek, kai pash i pipen bachtelo was.

Jeremia 27:5

Miri bari sorjah krom kai phub un i menshen un viechen, kai ap i phub hi. Un me dau len, koneste kamau.

Jeremia 32:23

Un har jon an o them dren wan, un les penge lan, shunan jon gar ap tute, djan witar gar ap tiro drom. Un halauter, hoi tu lenge soreles penal, te krenn le les, kowa kran jon gar. Doleske mukal ninna kau tseli bibacht pral lende te well:

Ezekiel 20:28

Har me len an o them anom, kolestar man sowel dom, te dap les lende, mangan le wawar deblen an. Hako kopo, kai dikan le i tikni berga oder i baro ruk bud patjentsa, chatchran le viechen i chochene deblenge, un kran man chojedo koleha, hoi le lenge anan. Jon chatchran sungepaskro koowa lenge, un tchoran mool win lenge.

5. Mose 1:4

Kowa his pal kowa job kol dui bare rajen das: o Sihon, ko baro rajes pral i Amorarja, kai an o foro Heshbon djiwas, un palle pash Edrei o Og, ko baro rajes pral Bashan, kai an o foro Astarot djiwas.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:46

An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.

5. Mose 4:47

Un jon lan leskro them penge dren, ninna o them, kai o Og o rai his pral o them Bashan. O Sihon un o Og, kol dui his i raja pral i Amorarja ap kai rig o panjestar Jordan, kai o kham pre djala.

Josua 10:11

Un har i Amorarja glan i Israelitarja nashan ap o drom, hoi djal tele pash Bet-Horon, kote mukas o baro Dewel brishineskre barra dran o bolepen ap lende te perell ap o tselo drom bis pash Aseka, jaake te wan le i barrendar mulo dino. Un kol brishineskre barra maran budeder lendar har i Israelitarja o chareha mulo dan.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.