Nehemia 9:20 - O Debleskro Drom 2021 (Sinte)

²⁰ An tiro latchepen penal lenge, hoi te krenn le. Un tiro maro dran o bolepen dal len chapaske, ninna pani, har len trush his.

O Debleskro Lab 2024 (Sinte-Manouche)

²⁰ An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Nehemia 9:20 Iomraidhean Croise

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Debleskri gili 105:41

Job phagas i baro bar, un pani nashas win, un nashas an o mulo them har i lengsto baro pani.

Debleskri gili 143:10

Sike mange, hoi tuke shukar hi, te krap me, tu hal miro Dewel. Tiro latcho ducho mu sikrell man o tchatcho drom.

2. Mose 16:15

Kawa dikan i Israelitarja un penan jek ap o wawareste: “Hoi hi kawa?” Jon djinan gar, hoi kowa hi. O Mose penas ap lende: “Kawa hi ko maro, hoi o baro Dewel tumenge bitchras.

2. Mose 16:35

Un i Israelitarja chan ko Manna star-deesh bersha, jaake rah bis te wan le pash ko them Kanaan.

2. Mose 16:4

Kote rakras o baro Dewel ap o Moseste: “Me mukau tumenge maro dran o bolepen tele te perell. Pen i menshenge te djan le hako diwes win, te lenn le penge jaake bud, har jon an jek diwes nai chan. Jaake nai dikap me palla, te kamenn le tchatchepah pal miro lab te djiwell.

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

2. Mose 17:6

Un me tchiwau man glan tute tardo ap o baro bar pash i berga Horeb. Un palle dess tu ap o baro bar, un dran leste nashella pani, jaake te well len te pijell.” Un o Mose kras kowa jaake glan i jaka kol phurendar.

Jesaja 48:21

O baro Dewel anas len ap o drom an o mulo them, un jon trushan gar. Dran i baro bar mukas lo lenge pani te well. Job phagas ko bar an dui kotja, un mukas dran leste pani te nashell.

Jesaja 49:10

Jon bokenna gar un trushenna witar gar. Un o tato ducho dran o mulo them dukrell len gar, witar gar dell len o kham tchurje. Me, kai man i baro dji lenge hi, sikrau lenge o drom, un anau len pash shila pani, te nai pijenn le.

Haggai 2:5

Me dom tumen miro lab, har tserdan win dran o them Egiptia. Me atchau pash tumende. Ma darenn!

4. Mose 11:17

Me kamau tele te well, un kote tuha rakrell, un lau i kotar ko duchestar, hoi ap tute hi, un tchiwau les ap lende, te nai krenn jon khetne tuha kai phari budi, hoi hi har i pharo koowa ap tire phika. Tu hunte hidjress kowa gar lauter kokres.

Johanni 4:10

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

Johanni 4:14

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

Remarja 15:30

Mire phrala, mangau tumendar an o lab maro rajestar o Jesus Kristestar, un an o kamlepen, hoi o Debleskro Ducho men das: Mangenn mantsa khetne o Debles o tselo djijeha,

1. Korintarja 10:3

Un jon halauter chan ko jek chapen, hoi was o Deblestar.

Efesarja 5:9

Lauter kolla, kai ap leskro drom djana, krenn kowa, hoi latcho un tchatcho hi, un penenn o tchatchepen.

Josua 5:12

Un pal ko diwes peras buder kek Manna dran o bolepen tele. Un jon chan ko djob, hoi an o them Kanaan an ko bersh dren anlo was.

2. Petro 1:21

An kek tsiro was o Debleskro lab i menshendar. Kol Debleskre rakepangre rakran, hoi o Dewel lenge penas. Kowa tchiwas lenge o Debleskro Ducho an o dji.