Nehemia 9:11 - O Debleskro Drom 2021 (Sinte)

¹¹ Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

O Debleskro Lab 2024 (Sinte-Manouche)

¹¹ Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Nehemia 9:11 Iomraidhean Croise

Debleskri gili 66:6

Dran o baro pani kras job i truk phub. Jon nai djan mashkral ap i wawar rig. Pral kowa giwam i bachtjatar.

Debleskri gili 78:13

Job kras i drom an o baro pani, un mukas len mashkral ap i wawar rig te djal. Ap kol dui rigja his o pani pral tardo har i kheer.

2. Mose 14:14

O baro Dewel kurell pes tumenge. Tumer hunte krenn tchi.”

2. Mose 14:25

Lengre wurdja atchan an i tchik jaake te wan le phares glan. Un i Egiptarja penan: “O baro Dewel kurell pes lenge un hi ap lengri rig. Djas menge katar!”

2. Mose 14:29

Jaake djan i Israelitarja mashkral o baro pani ap i wawar rig. Jon djan ap i drom, hoi gar sapenes hi. Un o pani his tardo ap i tchatchi rig, ninna ap i serwi rig lendar, har bare barra, hoi trul i foro tardo hi.

Jeremia 32:20

Tu sikral tiri bari soor un kral baro koowa, hoi kek wawar nai krella, har mare phure an o them Egiptia his bis ap kau diwes. Kowa kral tu ap i Israelitarja, un ap i wawar menshende ninna. Jaake was tiro lab prindjedo, har kau diwes hi.

1. Korintarja 10:1

Mire phrala, ma bistrenn, har djas mare phurenge, har djan jon an o mulo them. I wolka djas glan lende lauterende un sikras lende, kai o Dewel pash lende his. Un jon halauter djan o Moseste palla mashkral o baro pani ap i wawar rig. Mer nai penams: Har wan jon an i wolka un an o baro pani, wan le ap o Moseskro lab taufedo.

Hebrearja 11:29

I tsiro koi pre djan le mashkral o baro pani, hoi kharella Lolo Pani, har te djans le ap o drom. Kowa nai kran le doleske, kai patsan le, hoi o Dewel lenge penas. I Egiptarja kaman ninna mashkral o baro pani te djal, un jon tassan.

Debleskro tsiro 18:21

Un i sorelo bolepaskro hadas i baro bar pre, un witsras les an o baro pani, un penas: “Jaake djal o baro foro Babilon i sorjah tele. Un tchi buder atchell lestar.