Nehemia 8:8 - O Debleskro Drom 2021 (Sinte)

⁸ Un ko liil, kai o Debleskro lab dren tchinlo his, his an o hebretikro rakepen. Un i Levitarja rakran kol laba an o aramtikro rakepen, hoi kal menshe kote rakran. Un palle sikran le len, hoi kol laba kamenn te penell, jaake te haiwan le, hoi koi glan drawedo was.

O Debleskro Lab 2024 (Sinte-Manouche)

⁸ Oun ko liil, kay o Debleskro lab dren činlo his, his an o hebretikro rakepen. Oun i Levitarya rakran kol laba an o aramtikro rakepen, hoy kal menshe kote rakran. Oun palle sikran le len, hoy kol laba kamenn te penell, yaake te hayvan le, hoy koy glan dravedo vas.

Nehemia 8:8 Iomraidhean Croise

2. Rajengro liil 23:2

Un job djas pral an o baro Debleskro kheer. Un khetne leha djan i tsele mursha dran o them Juda un i tsele menshe, kai djiwan an o foro Jerusalem, i rashaja un o Debleskre rakepangre un kol wawar menshe, tikne un bare. Un kote mukas lo glan lende i tsele laba te drawerell dran ko liil, hoi an o baro Debleskro kheer hatslo was, kai tchinlo hi, hoi o Dewel peskre menshendar kamella.

Esra 4:18

Un kanna kamau tumenge te penell: Ko liil, kai tumer mange tchinan, was mange lab pal lab glan drawedo.

Nehemia 8:12

Kote djan i tsele menshe koi, te chan le un pijenn le. Un jon bitchran pengro chapastar kolenge, kai len tchi his, un giwan un khelan i bachtjatar. Jon haiwan kol laba, hoi lenge penlo wan.

Nehemia 8:7

Palle stan le pale pre hakeno ap peskri platsa. Un i Levitarja penan i menshenge, hoi kol laba an o Moseskro liil kamenn te penell. Kol Levitarja his o Jeshua, un o Bani, un o Sherebja, un o Jamin, un o Akkub, un o Shabbetai, un o Hodija, un o Maaseja, un o Kelita, un o Asarja, un o Josabad, un o Hanan, un o Pelaja.

Nehemia 8:9

Un i tsele menshe rowan, har shunan le kol laba, hoi an o Moseskro liil tardo his. Un o Nehemia, kowa his o moskro pral o foro Jerusalem, un o rashai Esra, kowa his o sikepaskro, un kol Levitarja, kai i menshenge penan, hoi o Debleskro lab kamell te penell, kolla penan ap lauterende: “Kau diwes hi i baro diwes o baro Debleske, kai tumaro Dewel hi. Doleske mukenn tumare djia gar phares te well! Un ma rowenn!”

Nehemia 9:3

Un jon his hakeno ap peskri platsa tardo, har was glan drawedo dran ko liil, kai sikrell o drom o baro Deblestar, kai lengro Dewel hi. I starto kotar o diwestar was glan drawedo un o starto kotar o diwestar penan le pengri doosh, un witsran pen tele glan o baro Debleste, koles jon an-mangan.

Ezekiel 46:10

Un o rai djal lentsa dren ap koi bari glanstuni platsa, un djal ninna pale lentsa win.

Habakuk 2:2

O baro Dewel rakras mantsa pale un penas: Tchin pre, hoi tuke sikrau! Tchin les shukar pre ap i tafla, te nai drawerell les hakeno, kai kote djal un kowa dikell.

Louka 24:27

Palle penas o Jesus lenge, hoi o Mose un i tsele Debleskre rakepangre pral leste tchinan.

Louka 24:32

Un jon penan mashkral pende: “Djas kowa gar an maro dji, har job ap o drom mentsa rakras, un menge penas, hoi an o Debleskro lab pral leste tchinlo hi?”

Louka 24:45

Un palle das lo len goswepen, te haiwenn le o Debleskro lab,

Bičepangre 28:23

Un i bibolde un o Paulo kran penge i diwes win, kai wenn le pale khetne an koi kertchima. Har ko diwes was, wan bud pash leste. Un o Paulo penas lenge, te was ko tsiro, kai o Dewel i menshen pash peste gole della, te lell lo len dran o tchilatchepen win. Un job sikras lende, hoi o Mose un o Debleskre rakepangre pral o Jesuseste tchinan. Un pral kowa rakras o Paulo lentsa o tselo diwes.